अंजोर.महासमुंद। छत्तीसगढ राज्य के सीमा ले लगे राज्य ओडिशा ले सरलग अवैध मादक जिनिस गांजा के परिवहन महासमुंद के रद्दा करे जाये के सूचना म पुलिस अधीक्षक महासमुन्द धर्मेन्द्र सिंह ह सबो थाना/चौकी प्रभारी ल नशीली पदार्थ, अवैध दारू अउ अवैध मादक जिनिस गांजा के तस्करी करे वाला लोगन के खिलाफ कार्यवाही अउ सघन चेकिंग अभियान करे बर निर्देशित करे रिहिस।
मिले आरो के मुताबिक पुलिस अधीक्षक महासमुन्द, महोदय ल मुखबीर ले सूचना मिलिस के ओड़िशा ले अवैध मादक जिनिस गांजा के बडा खेप एक ट्रक म ओडिशा ले महासमुन्द छत्तीसगढ़ होवत महाराष्ट्र के तनि जात हावय। जेन म तुरते पुलिस अधीक्षक महासमुन्द, महोदय डहर ले थाना सिंघोडा पुलिस टीम के तुरते कार्यावाही करे बर निर्देशित करिन।
ओमन बताइन के ट्रक म कबाड़ी पुट्ठा (कार्टून) लोड हावय, असमानता पाये जाये म संदेह म वाहन के तलाशी लिस। वाहन म ट्रक के पाछु ट्रॉली म भरे कार्टून के हटाके देखे म चार प्लास्टिक बोरी मिलिस। जेला खोलके देखे म अवैध मादक जिनिस गांजा मिलिस। कुल 04 प्लास्टिक बोरी म 25/25 किलो ग्राम मादक जिनिस गांजा मिजिस। वाहन म अवैध गांजा परिवहन करत पाये जाये म मउका म आरोपी के गिरफ्तार करके 100 किलो गांव गांजा कीमती लगभग 2000000 रूपिया अउ एक ashok Leyland ट्रक कीमती 1200000 रूपिया कुल जुमला कीमती 3200000 रूपिया के वाहन सहित जप्त करे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।