गोधन न्याय योजना के तहत गौठान समिति मन के 5 करोड़ 32 लाख रूपिया के रकम ऑनलाइन जारी

अंजोर.रायपुर। मुख्यमंत्री भूपेश बघेल ह अपन निवास कार्यालय ले गोधन न्याय योजना के तहत गरूवा पोसइया गांव वाला, गउठान ले जुरे महिला समूह अउ गउठान समिति मन के 5 करोड़ 32 लाख रूपिया के रकम ऑनलाइन जारी करिन।

येकर ले 16 मार्च ले 31 मार्च तक खरीदे गे 1 लाख 45 हजार क्विंटल गोबर के एवज म 2 करोड़ 91 लाख रूपिया के भुगतान करे  जाये के संग ही गउठान समिति मन के 1.43 करोड़ रूपिया अउ महिला समूह के 98 लाख रूपिया के लाभांश रकम सामिल हावय।

ए मउका म कृषि मंत्री रविन्द्र चौबे, उद्योग मंत्री कवासी लखमा, मुख्यमंत्री के सलाहकार विनोद वर्मा, छत्तीसगढ़ राज्य खनिज विकास निगम के अध्यक्ष गिरीश देवांगन, राज्य गौ सेवा आयोग के अध्यक्ष महंत रामसुंदर दास कृषि विभाग के बिसेस सचिव डॉ. अय्याज एफ. तम्बोली मुख्यमंत्री निवास म उपस्थित हावयं अउ मुख्यमंत्री के सलाहकार प्रदीप शर्मा अउ राज्य नोडल अधिकारी RIPA गौरव सिंह वीडियो कांफ्रेंसिंग के जरिये जुड़े हावयं।

मुख्यमंत्री बघेल ह किहिन के गोधन न्याय योजना म हम लोगन ह सरलग उपलब्धि हासिल के हावय, फेर स्वावलंबी गउठान के संख्या म जेन तेजी ले बड़वार होकरेत हावय, वो ह हमर सबले बड़का उपलब्धि हावय, काबर के ए योजना के मुख्य उद्देश्य ही अपन गांव के आर्थिक रूप ले स्वावलंबी बनाये हावय।

गोबर बेचइया मन ल दे जात रकम म 01 करोड़ 67 लाख रूपिया के रकम स्वावलंबी गउठान के तनि ले स्वयं भुगतान के जात हावय। जबकि विभाग के तनि ले 01 करोड़ 24 लाख रूपिया के भुगतान करे जात हावय। गौठान समिति मन के स्वावलंबन के खातिर प्रोत्साहित करे के खातिर हम लोगन ह स्वावलंबी गउठान समिति के अध्यक्ष के 750 रूपिया अउ सदस्य मन के 500 रूपिया हर महीना प्रोत्साहन रकम दे के फइसला लिस हावय।