कुसमुरा के जनचेतना शिविर म कोतरारोड़ पुलिस दिस अपराध ले बचाव के जानकारी

अंजोर.रायगढ़। वरिष्ठ पुलिस अधीक्षक सदानंद कुमार के निर्देशन अउ अकताहा पुलिस अधीक्षक संजय महोदवा अउ डीएसपी (IUCAW) निकिता तिवारी के उचित मार्गदर्शन म थाना प्रभारी कोतरारोड़ उप निरीक्षक गिरधारी साव डहर ले गांव कुसमुरा म “जनचेतना शिविर” ले गांव वाला के शिकायत के निराकरण के संग ओला अपराध के जानकारी दे बर जागरूक करे के बुता करे गिस।

जनचेतना शिविर म थाना प्रभारी ह गांव वाला के साइबर क्राइम अउ महिला संबधी अपराध ले बचाव अउ सड़क दुर्घटना के बारे म जानकारी देके उंकर ले गोठबात करे गिस। थाना प्रभारी डहर ले रहवासी ल बताइन के कोन-कोन माध्य ले साइबर क्राइम के घटना हो सकत हावयं। अइसे म ओला निजी अउ बैंक खाता के जानकारी, OTP शेयर करे ले मना करे गिस अउ सड़क दुर्घटना ले बांचे यातायात नियम के पालन करे के समझाइश दीस हावय।

महिला संबंधी अपराध- दहेज उत्पीड़न, बुता जगह म लैंगिक उत्पीड़न, घरेलू हिंसा, बाल विवाह, अनैतिक व्यापार, पास्को एक्ट म गोठबात करके इही घटना मन के छुपाये के बजाये पुलिस मदद लेके दोषी ल सजा देवाये खातिर महिला मन के प्ररित करे गिस। संग ही ओला महिला हेल्पलाइन अउ चाइल्ड नंबर तको नोट कराए गिस। ए जनचेतना शिविर म गांव के काफी संख्या म महिला, गणमान्य लोगन के संग लइका अउ थाना कोतरारोड़ के स्टाफ उपस्थित रिहिन।