ड्रायवर संग मिलके ट्रेलर मालिक करिस 31 टन कोइला के अफरा-तफरी

अंजोर
0
ड्रायवर संग मिलके ट्रेलर मालिक करिस 31 टन कोइला के अफरा-तफरी


अंजोर.रायगढ़।  छाल पुलिस डहर ले 31 टन कोयला के अफरातफरी के मामला म आरोपित ट्रेलर मालिक पंकज कुमार साहू ल काली बिलासपुर ले हिरासत म लेके रायगढ़ लाने गे हावय जेला अमानत म खयानत के अपराध म गिरफ्तार करके न्यायिक रिमांड म भेजे गे हावय।

मिले आरो के मुताबिक कोयला के अफरा-तफरी ल लेके ट्रांसपोटर सचिन गुप्ता (उम्र 30 साल) निवासी बरघाट, घरघोड़ा के डहर ले दिये आवेदन पाती म थाना छाल म ट्रेलर क्रमांक सी.जी. 10 ए.जी. - 7156 के मालिक पंकज साहू अउ उंकर ड्रायवर म धारा 407, 34 आईपीसी के तहत अपराध दर्ज करे गिस। ट्रांसपोटर के मुताबिक ट्रेलर क्र. सी जी-10- ए.जी.-7156 के चालक अभिषेक के टोकन पर्ची देके एस.ई.सी.एल. खुली खदान छाल ले 31 टन कोइला लोड कराइन। कोल बेनिफिकेशन घुटकु बिलासपुर ले अधिकारी मन कॉल करके बताइस ट्रेलर क्र. सी.जी. - 10 ए.जी. -7156 ले भेजे गे कोइला उंकर इहां आज दिनांक तक नइ पहुंचिस। 

तब ट्रेलर मालिक पंकज साहू निवासी हिरीं बिलासपुर ले उंकर मोबाईल नंबर म फोन करके पूछताछ करे गिस त वो ह टाल-मटोल करके जवाब दे रिहिन हावय। आन वाहन मालिक अउ ड्रायवर ले पूछताछ करे म पता चले हावय के ट्रेलर मालिक अउ ड्रायवर आन मनखे ले साठगाठ करके 31 टन कोइला कीमत लगभग 2,50,000 रूपिया के बिक्री करके गबन कर दे हावय। 

घटना के बाद ले आरोपित ट्रेलर मालिक अउ ड्रायवर फरार रिहिस। थाना प्रभारी छाल उप निरीक्षक बी.एस. डहरिया ट्रेलर मालिक पंकज साहू के गांव अपन मुखबिर तैनात करके रखे गे रिहिस  जेकर डहर ले आरोपी पंकज साहू के बिलासपुर म कहूं अउ रेहे के जानकारी दे गे।  थाना प्रभारी डहर ले आरोपी पंकज साहू ले संपर्क रखे वाला ले पूछताछ करके आरोपी के पतासाजी करके रिहिन रिहिस के आरोपी के संबंध म पुख्ता जानकारी मिले म एसडीओपी खरसिया निमिषा पाण्डेय के मार्गदर्शन म छाल पुलिस के टीम बिलासपुर रवाना होए अउ आरोपी के हिरासत म लिस गे जेकर ले घटना के संबंध म बारीकी ले पूछताछ करे म गवाह के तीर बताइन के उंकर ड्राइवर परमेंद्र उर्फ सानू उर्फ अभिषेक साहू के संग मिलके बिलासपुर म ट्रेलर म लोड कोइला के एक लाख म बिक्री करके बिक्री रकम म ले ₹70,000 अपन पास रख लिस अउ ड्राइवर परमेंद्र के ₹30,000 दे रिहिस। येकर ट्रेलर के इंडेक्स बैंक फाइनेंस वाला डहर ले सीज करके ले गे हावयं। 

आरोपी पंकज साहू पिता पुनीत राम साहू उमर 32 साल निवासी छपरी चौकी करही थाना भांठापारा जिला बलौदा बाजार हाल मुकाम परिजात कैसल कॉलोनी मकान नंबर 26 बिलासपुर के पास ले नकद ₹5000 रूपिया बरामद होइस हावय, बांचे रकम खरचा करके देना बताइन। आरोपी ल काली संझा गिरफ्तार करके न्यायिक रिमांड म भेजे गे हावय। आरोपी पतासाजी, गिरफ्तारी म थाना प्रभारी छाल उप निरीक्षक बी.एस. डहरिया, प्रधान आरक्षक महेन्द्र कर्ष, छवि पटेल, आरक्षक गोविंद बनर्जी अउ हरेन्द्र पाल जगत अउ साइबर सेल के प्रधान आरक्षक राजेश पटेल अउ दुर्गेश सिंह के अहम भूमिका रेहे हावय। मामला के एक अउ आरोपी ड्राइवर परमेंद्र उर्फ सानू उर्फ अभिषेक साहू फरार हावय जेकर पतासाजी करे जाथे।

एक टिप्पणी भेजें

0टिप्पणियाँ

सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।

एक टिप्पणी भेजें (0)

#buttons=(Accept !) #days=(20)

Our website uses cookies to enhance your experience. Check Now
Accept !