अंजोर.जांजगीर। रक्षित केंद्र जांजगीर म योग धियान कार्यक्रम के आयोजन करे गिस जेमा शशिधर द्विवेदी निवासी मडवा अउ अजय अग्रवाल निवासी जांजगीर (आर्ट ऑफ लिविंग प्रशिक्षक) डहर ले हर घर धियान कार्यक्रम के तहत योग धियान कार्यक्रम चलाये गिस। जेमा लगभग 50 अधिकारी कर्मचारी उपस्थित रिहिन।
मिले आरो के मुताबिक कार्यक्रम के उद्देश्य योग क्रिया अउ धियान के माध्यम ले कर्मचारी मन के बुता अउ जिनगी म संतुलन (वर्क-लाइफ बैलेन्स) के महत्ता समझाना अउ कर्मचारी मन के जिनगी म कार्य-संतुलन स्थापित करके समाज म सकारात्मक वातावरण के सिरजन करे रिहिस। योग अउ धियान एक अइसे सुलभ अउ प्राकृतिक पद्धति हावय जेकर ले स्वस्थ मन अउ शरीर के संग केऊ आध्यात्मिक फायदा पाये जा सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।