 |
| कक्षा 10वीं - 12वीं बोर्ड मॉडल प्रश्न पत्र |
अंजोर.रायपुर। रायपुर संभाग के सबो जिला ले कक्षा 10वीं अउ कक्षा 12वीं के पढ़ईया मन के गुणवत्ता सुधार के खातिर मॉडल सवाल तइयार करवाए गे हावयं। ये मॉडल सवाल स्कूल के माध्यम ले पढ़ईया मनला उपलब्ध कराए जाही। येकर संग ही ये मॉडल सवाल वेबसाइट म तको उपलब्ध हावयं।
संभागीय संयुक्त संचालक शिक्षा संभाग रायपुर ह संभाग के सबो जिला शिक्षा अधिकारी मनले किहिन के कक्षा 10वीं अउ 12वीं के पढ़ईया मन के खातिर तइयार करवाए गे मॉडल सवाल के अवलोकन जिला के विषय-विशेषज्ञ डहर ले कराये गे हावय। पढ़ईया मन के अभ्यास के खातिर मॉडल सवाल ल जिला शिक्षा अधिकारी के कार्यालय म प्रेषित करे जात हावय। ये मॉडल सवालल स्कूल मन ल उपलब्ध कराये के निर्देश दे हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।