कोरर चिलहटी चौक म ऑटो अउ ट्रक के टक्कर, 5 स्कूली लइका के मउत अउ 4 गंभीर

अंजोर.कांकेर। मुख्यमंत्री भूपेश बघेल ह कांकेर जिला के  कोरर चिलहटी चौक म ऑटो अउ ट्रक के टक्कर म 5 स्कूली लइका के मउत म गहरा दुख प्रकट करिन हावय। ए दुर्घटना म 4 लइका गंभीर रूप ले घायल हो गे हावयं। मिले आरो के मुताबिक मुख्यमंत्री ह जिला प्रशासन के  अधिकारी मनला मृत लइका के परिवार वाला के हर संभव मदद दे करे अउ ए दुर्घटना म गंभीर रूप ले घायल लइका के इलाज के बढि़या ले बढि़या सुविधा उपलब्ध कराये के निर्देश दे हावयं। दुर्घटना म घायल लइका ल इलाज के खातिर जिला अस्पताल कांकेर भेजे गे हावय। स्वास्थ्य विभाग ले ओला हर मुमकिन मदद दे जात हावय।