मुख्यमंत्री भूपेश बघेल ले दुबई प्रो-इंटरनेशनल बॉडी बिल्डिंग कॉम्पिटिशन के कांस्य पदक विजेता ह करिस मुलाकात

मुख्यमंत्री भूपेश बघेल ले बॉडी बिल्डिंग कॉम्पिटिशन के कांस्य पदक विजेता ह करिस मुलाकात

अंजोर.रायपुर। मुख्यमंत्री भूपेश बघेल ले पुलिस लाइन हेलीपेड म दुबई प्रो-इंटरनेशनल बॉडी बिल्डिंग कॉम्पिटिशन के कांस्य पदक विजेता अमरिंदर सिंह वामा ह मुलाकात करिस। मुख्यमंत्री ह अमरिंदर के उंकर ए उपलब्धि के खातिर बधाई देत उंकर उज्ज्वल भविष्य के कामना करिस। ए मउका म नगरीय प्रशासन मंत्री डॉ. शिवकुमार डहरिया, छत्तीसगढ़ गृह निर्माण मंडल के अध्यक्ष कुलदीप जुनेजा, पार्षद कमरान अंसारी, अमरिंदर के पिता गोविंदर सिंह अउ महतारी श्रीमती सतवंत कौर तको उपस्थित रिहिस। जानबा होवय के दुबई म 24 ले 26 अक्टूबर 2022 के आयोजित आईएबीबी प्रो-इंटरनेशनल बॉडी बिल्डिंग कॉम्पिटिशन के आयोजन करे गिस रिहिस, जेमा 35 ले 40 देश के 700 भाग लेवइया मन ह हिस्सा लिस। प्रतियोगिता म अमरिंदर सिंह ह भारत के प्रतिनिधित्व करत कांस्य पदक हासिल करिन हावय।