 |
| Indian National Congress 85th National Convention |
अंजोर.रायपुर। भारतीय राष्ट्रीय कांग्रेस के 85वां राष्ट्रीय महाधिवेशन एसो छत्तीसगढ़ के राजधानी रायपुर म होही। मिले आरो के मुताबिक अंबिका सोनी ल समिति के चेयरपर्सन बनाये गे हावय। प्रदेस के मुखिया सरी तइयारी ल देखत हाबे। प्रदेस कांग्रेस अध्यक्ष मोहन मरकाम सबो बुता के आरो लेवत हाबे। ये पहिली मउका आए जब भारतीय राष्ट्रीय कांग्रेस के राष्ट्रीय महाधिवेशन छत्तीसगढ़ के राजधानी रायपुर म जोंगे हावय। प्रदेस म भूपेश बघेल के सियानी म जबर बुता होए हावय। जेमा केऊ बुता के राष्ट्रीय स्तर म तको बढ़ई होइस। अब भारतीय राष्ट्रीय कांग्रेस के 85वां राष्ट्रीय महाधिवेशन रायपुर म होना प्रदेस सरकार के कामयाबी के संगे-संग भूपेश बघेल ल देस के बड़का के रूप म जाने जाही। 24 फरवरी, 25 फरवरी अउ 26 फरवरी के छत्तीसगढ़ के पावन धरा म देस भरके बड़का-बड़का नेता मन जुरियाही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।