6 लाख ले जादा शहरवासी ल मिलही अबाध यातायात के सुविधा
तेलघानी आरओबी ले लगभग 3 लाख ले जादा आम नागरिक के संग सरी नगरीय क्षेत्र के रेलवे स्टेशन के प्लेटफार्म 6 अउ 7 के खातिर सुगम यातायात उपलब्ध होही। इही रकम ले गोगांव आरयूबी के सुरू हो जाये ले ए क्षेत्र के लगभग 3 लाख ले तको जादा के आबादी ल लाभ मिलही। ये दुनों सुविधा के खातिर साहू ह छः लाख ले जादा शहरवासी के तनि ले मुख्यमंत्री भूपेश बघेल के धन्यवाद अउ आभार व्यक्त करिन।
ए मउका म लोक निर्माण मंत्री ताम्रध्वज साहू ह स्थानीय जनता ल संबोधित करत किहिन के ये दुनों ही ब्रिज मुख्यमंत्री भूपेश बघेल के प्राथमिकता वाला काम म रिहिस अउ एमन ल जल्दीक ले जल्दी पूरा करे के निर्देश तको मुख्यमंत्री ह दे रिहिस।
लोक निर्माण मंत्री ह किहिन के अब ये दुनों ब्रिजों ले शहर वासी के आने जाये म कोनो तकलीफ नइ होही। शहर के एक कोना आन कोने ले आज जुड़ गे हावय अउ अब ए पार- वो पार के सीमा तको खतम हो गे हावयं। दुनों ब्रिजों ले शहर के दुनों कोति आवागमन के संग व्यापार अउ व्यवसाय अउ मेलजोल तको तेजी ले बाढ़ही। ओमन बताइन के लोगन के सुरक्षा के खातिर जुन्ना तेलघानी ओवरब्रिज ले भारी गाड़ी के आवागमन तको बंद कर दे हावय अब ए ब्रिज ले सिरिफ दू पहिया अउ छोटे चार पहिया वाहन ही गुजर सकही। येकर ले लोगन के आवागमन म सहूलियत मिलही।
संसदीय सचिव विकास उपाध्याय ह किहिन के छत्तीसगढ़ सरकार ह मुख्यमंत्री बघेल के अगुवाई म कई अइसे योजना चलाये हावयं जेकर ले लोगन के जेब म पइसा आये हावय। पहिली शहर के यातायात बेवस्था 7-8 लाख के आबादी के हिसाब ले रिहिस फेर अब ये बढ़के लगभग 25 लाख के आबादी तक पहुंच गे हावय। शासन के योजना मन ले लाभ लेके लोगन ह अपन सहूलियत के खातिर वाहन तको खरीदे हावयं त ओला चलाये के खातिर अच्छा सड़क देना सरकार के जिम्मेदारी हावय। इही जिम्मेदारी के निभात शहर म दू नवा ब्रिजों के लोकार्पण होइस हावय। लोगन के सरलग अबाध आवागमन के सुविधा मिलही येकर खातिर मैं मुख्यमंत्री सहित लोक बनाये मंत्री के तको आभार व्यक्त करत हावं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।