छत्तीसगढ़ राज्य नवाचार आयोग के अध्यक्ष बनिस पूर्व मुख्य सचिव विवेक ढांड

अंजोर.रायपुर। राज्य सरकार डहर ले पूर्व मुख्य सचिव अउ रेरा के पहिली चेयरमैन विवेक ढांड ल ‘छत्तीसगढ़ राज्य नवाचार आयोग‘ के अध्यक्ष नियुक्त करे गे हावय। सामान्य प्रशासन विभाग डहर ले महानदी भवन, नवा रायपुर ले ए आशय के आदेश जारी कर दे हावय।

का बुता करही छत्तीसगढ़ राज्य नवाचार आयोग

मिले आरो के मुताबिक छत्तीसगढ़ शासन डहर ले करे जाये वाला प्रशासनिक नवाचार अउ आने-आने जनकल्याणकारी योजना मन के प्रभावी क्रियान्वयन के खातिर बेरा-बेरा म राज्य सरकार ल सुझाव दे के उद्देश्य ले ‘छत्तीसगढ़ राज्य नवाचार आयोग‘ के गठन करे गे हावय।