मुख्यमंत्री सवारी करही अब टोयोटा फॉर्च्यूनर के, जुन्ना गाड़ी चलगे रिहिस एक लाख 30 हजार किलोमीटर

मुख्यमंत्री सवारी करही अब टोयोटा फॉर्च्यूनर के

अंजोर.रायपुर। मुख्यमंत्री भूपेश बघेल के काफिला म अत्याधुनिक सुरक्षा मानक ले लैस करिया रंग के नवा टोयोटा फॉर्च्यूनर गाड़ी ल सामिल करे  गे हावयं। मुख्यमंत्री बघेल ह बिहनिया अपन निवास म अपन काफिला म सामिल होत नवा गाड़ी के मंत्रोच्चार अउ विधि-विधान के संग पूजा-अर्चना करिस। मुख्यमंत्री येकर बाद नवा गाड़ी के काफिला म पुलिस लाइन रायपुर हेलीपेड के खातिर रवाना होइस। जिहां ले वोमन हेलीकॉप्टर ले कांकेर जिला के भानुप्रतापपुर म आयोजित कार्यक्रम के खातिर रवाना होइस। जानबा होवय के मुख्यमंत्री बघेल के काफिला के जुन्ना गाड़ियां करीब पांच साल चल चुके हावयं। सुरक्षा कारन ले ये गाड़ी मनला बदले गे हावय। जुन्ना गाड़ी मन एक लाख 30 हजार किलोमीटर ले जादा चलगे रिहिस।