 |
| प्रधानमंत्री ग्राम सड़क योजना म बने सड़क के जांच राष्ट्रीय गुणवत्ता समीक्षक के छत्तीसगढ़ दौरा |
अंजोर.रायपुर। प्रधानमंत्री ग्राम सड़क योजना के तहत छत्तीसगढ़ के आने-आने जिला म बनत बुता म तीसरा स्तर के गुणवत्ता परीक्षण के खातिर राष्ट्रीय गुणवत्ता समीक्षक छत्तीसगढ़ आत हावयं। वो प्रदेस के चार जिला के दौरा करके प्रधानमंत्री ग्राम सड़क योजना ले बने सड़क के परीक्षण करही। राष्ट्रीय गुणवत्ता समीक्षक ले उंकर मोबाइल नंबर म संपर्क करके बनत सड़क के गुणवत्ता के संबंध म शिकायत अउ सुझाव साझा के जा सकत हावय।
राष्ट्रीय गुणवत्ता समीक्षक अजीत सोनबा उपाले (मोबाइल नम्बर +91-9822016093) जशपुर अउ बलरामपुर जिला म सड़क के गुणवत्ता के परीक्षण करही। इही रकम ले कुलभूषण गोयल (मोबाइल नम्बर +91-7030655222) दंतेवाड़ा म अउ नारायणपुर म सड़क के गुणवत्ता जांचही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।