पाली महोत्सव म बॉलीवुड सिंगर पलक मुच्छल अउ छत्तीसगढ़ के सुपर स्टार अनुज शर्मा बिखेरही जलवा

पाली महोत्सव म बॉलीवुड सिंगर पलक मुच्छल अउ छत्तीसगढ़ के सुपर स्टार अनुज शर्मा बिखेरही जलवा

अंजोर.कोरबा। महाशिवरात्रि के मउका म पाली महोत्सव के आयोजन पाली म 18 अउ 19 फरवरी के करे जाही। पाली महोत्सव म बॉलीवुड अउ छालीवुड के कलाकार सांस्कृतिक कार्यक्रम ले मनोरंजन करही। 18 फरवरी के पाली महोत्सव म ए बार बॉलीवुड सिंगर पलक मुच्छल के सुरीली आवाज ले संझा सजही। सुरीली आवाज के धनी पलक मुच्छल बॉलीवुड के जाये माने गायिका हावय। ओमन आशिकी 2, बाहुबली, एमएस धोनी द अनटोल्ड स्टोरी अउ  प्रेम रतन धन पायो जइसे सुपरहिट फिलिम के अलावा बहुत अकन बॉलीवुड फिलिम म अपन आवाज ले देके  सुपरहिट सिंगर के रूप म प्रसिद्धि पाये हावय। इही रकम ले 18 फरवरी के ही छत्तीसगढ़ के सुपर स्टार अनुज शर्मा तको अपन छत्तीसगढ़ी गाना ले पाली महोत्सव म अपन जलवा बिखेरही।