छत्तीसगढ़ के सांस्कृतिक धरोहर आए मड़ई मेला : मंत्री डॉ. शिवकुमार डहरिया

छत्तीसगढ़ के सांस्कृतिक धरोहर आए मड़ई मेला : मंत्री डॉ. शिवकुमार डहरिया

अंजोर.रायपुर। छत्तीसगढ़ म दिसंबर ले लेके मार्च-अप्रैल महीना तक पूरा प्रदेस भर के ग्रामीण अंचल म मड़ई मेला के आयोजन करे जाथे अउ छत्तीसगढ़िया समाज के डहर ले उत्साह के संग ए सांस्कृतिक कार्यक्रम ल मनाये जाथे। नगरीय प्रशासन अउ विकास अउ श्रम मंत्री डॉ.शिवकुमार डहरिया के विधानसभा क्षेत्र आरंग के आने-आने गांव म मड़ई मेला के आयोजन करे जाथे जेमा मंत्री डॉ. शिवकुमार डहरिया मुख्य पहुना के रूप म सामिल होइन हावयं। पाछु दिन गनौद, तुलसी अउ जावा म आयोजित मड़ई मेला म मंत्री डॉ. शिवकुमार डहरिया गांव वाला के बीच पहुंचिस अउ मड़ई मेला म लोगन के संबोधित तको करिन। ओमन किहिन के मड़ई मेला हमर छत्तीसगढ़ के सांस्कृतिक धरोहर हावय। जेला हम अपन पुरखा मन ले पीढ़ी दर पीढ़ी देखत आए हावयं। हमन ल तको ए सांस्कृतिक पहचान ल बनाए रखना हावय अउ आने वाला पीढ़ी तक पहुंचना हावय।

मड़ई मेला के मउका म गांव वाला ह विकास बुता के मांग तको करिस, जेन म मंत्री डॉ. डहरिया ह मंच ले एक करोड़ आठ लाख रूपिया के विकास बुता के घोसना करिस। ओमन गांव गनौद म धान खरीदी केंद्र म सीसी रोड़ बनाये बर 69.46 लाख रूपिया, साहू समाज सामुदायिक भवन बनाये बर 6.50 लाख रूपिया, पंखटिया तरिया म शेड बनाये बर 02 लाख रूपिया, गौरा गौरी मंच बनाये बर 1.50 लाख रूपिया, गांव तुलसी म शीतला मंदिर ले नोहर के घर तक सीसी रोड़ बनाये बर 14.76 लाख रूपिया, साहू समाज सामुदायिक भवन बनाये बर 05 लाख रूपिया, मंगल भवन अहाता बनाये बर 2.50 लाख रूपिया अउ रंगमंच बनाये बर 1.50 लाख रूपिया, गांव जावा म मौली महतारी मंदिर म पेवर ब्लाक बर 05 लाख रूपिया के घोसना के गे हावय। मंत्री डॉ. डहरिया के संकरी के आश्रित गांव जावा के गांव वाला ह आरो कराइन के ओला राशन के खातिर 07 किलोमीटर दूरिहा जाना परत हावय, इही सेती हमर गांव म राशन दुकान खुलवा दीजिए, जेन म मंत्री डॉ. डहरिया ह तुरते घोसना करके एक सप्ताह के भीतर गांव म ही राशन दुकान खुलवाने के घोसना करिस। ए महीना ले गांव वाला के अब राशन दुकान ले राशन बाटे सुरू करके दे हावय, येकर खातिर स्थानीय जनप्रतिनिधि अउ गांव वाला ह खुसी व्यक्त करिन हावय।