आदिवासी जननायक अमर शहीद गुंडाधुर ल नमन करिन मुख्यमंत्री भूपेश बघेल

आदिवासी जननायक अमर शहीद गुंडाधुर ल नमन करिन मुख्यमंत्री भूपेश बघेल

अंजोर.रायपुर। मुख्यमंत्री भूपेश बघेल ह भूमकाल सुरता दिन म आदिवासी जननायक अमर शहीद गुंडाधुर ल नमन करिन हावय। सीएम बघेल ह किहिन के आदिवासी मन के जल, जंगल अउ जमीन के खातिर अंग्रेजी हुकूमत के खिलाफ विद्रोह के आगाज करइया नायक गुंडाधुर के बलिदान हमेशा इतिहास म अमर रइही। बघेल ह किहिन के माने जाथे  10 फरवरी के 1910 म बस्तर के आदिवासी मन ह अंग्रेज के खिलाफ आंदोलन के बिगुल फूंके रिहिस। ए विरोध ल बुलंद करे म आदिवासी जननायक ह जरूरी भूमिका निभाइस अउ अपन सर्वस्व न्यौछावर कर दीस। इही जननायक म अमर शहीद गुंडाधुर के अगुवई म भूमकाल विद्रोह म आदिवासी मन ह सीमित संसाधन के बावजूद अंग्रेजी हुकूमत के खिलाफ डटके संघर्ष करिन। उंकर सुरता म छत्तीसगढ़ म बिसेस रूप ले जुन्ना दंडकारण्य क्षेत्र के स्थानीय लोगन हर साल भूमकाल दिवस मनात हावय। बघेल ह किहिन के आदिवासी चेतना के चिन्हारी के रूप म शहीद गुंडाधुर जनमानस म हमेशा जीवित रइही। उंकर सुरता म मनाये जाये वाला भूमकाल दिवस सदा हमन ल शोषण के विरूद्ध आवाज बुलंद करे के साहस देत रइही।

श्री बघेल ह किहिन के राज्य सरकार आदिवासी मन के हित अउ अधिकार के संरक्षण के खातिर प्रतिबद्ध हावय। राज्य सरकार ह लोहंडीगुड़ा के आदिवासी किसान मन के जमीन वापसी, बड़ अकन वन अधिकार पट्टा अउ वनोपज ले आय के वाजिब दाम वनवासी ल देवाये के खातिर तुरते फइसला लिस हावयं। बड़ अकन वन प्रसंस्करण इकाई के स्थापना अउ गउठान म मल्टीएक्टीविटी सेंटर के स्थापना ले स्थानीय निवासी मन के जिनगी म बदलाव आये हावय। राज्य सरकार डहर ले लिये गे फइसला अउ सकारात्मक पहल ले आदिवासी भाई के आय के नया जरिया मिले ले उंकर जीवन-स्तर ऊंचा उठत हावय। मुख्यमंत्री ह किहिन के अमर शहीद गुंडाधुर ह अपन अधिकार के रक्षा के खातिर आदिवासी जनमानस म जेन अलख जगाई हावय, वो ह हमेशा जलत रइही।