मुख्यमंत्री भूपेश बघेल ह रायपुर के अमलीडीह कैथोलिक चर्च म आर्चडायसिस स्वर्ण जयंती समारोह म सामिल

अमलीडीह कैथोलिक चर्च म आर्चडायसिस स्वर्ण जयंती समारोह

अंजोर.रायपुर। मुख्यमंत्री भूपेश बघेल रायपुर के अमलीडीह के कैथोलिक चर्च पहुंचिस। इहां ओमन रायपुर आर्चडायसिस स्वर्ण जयंती समारोह म सामिल होइन। भारत अउ नेपाल के खातिर वेटिकन के राजदूत लियोपोल्डो जिरेल्ली, विधायक सत्यनारायण शर्मा तको समारोह म उपस्थित रिहिन। मुख्यमंत्री ह समारोह ल सम्बोधित करत किहिन के छत्तीसगढ़ म ईसाई समाज ह शिक्षा, स्वास्थ अउ सेवा के क्षेत्र म उल्लेखनीय बुता करे  हावयं।

मुख्यमंत्री ह किहिन के जब शिक्षण संस्था मन के अभाव रिहिस, तब मसीही समुदाय ह स्कूल अउ हॉस्टल खोलिस। ग्रामीण अउ वनांचल क्षेत्र म शिक्षा के प्रचार- प्रसार करिन। स्वास्थ्य अउ मानवता के सेवा के क्षेत्र समाज डहर ले अनुकरणीय बुता करे  गे हावय। कुष्ठ रोग पीड़ित मन के इलाज के खातिर ईसाई समाज ह अभनपुर, बैतलपुर समेत कई ठऊर मन म हास्पिटल अउ डिस्पेंसरी खोलिस।

मुख्यमंत्री ह किहिन के प्रभु यीशु अउ संत महतारी मरियम के दया, करुणा, सेवा, क्षमा, प्रेम, त्याग के शिक्षा के ये समाज प्रचार-प्रसार करके रिहिन। वैश्विक महामारी कोरोना काल म तको समाज के लोगन ह मानवता के सेवा म बढ़ चढ़ के हिस्सा लिस। भारत अउ नेपाल के खातिर वेटिकन के राजदूत लियोपोल्डो जिरेल्ली अउ मुख्यमंत्री भूपेश बघेल ह दीपप्रज्जवलित करके स्वर्ण जयंती समारोह के सुरू करिन।