अंजोर.रायपुर। छत्तीसगढ़ लोक सेवा आयोग डहर ले राज्य सेवा प्रारंभिक परीक्षा 2022 लिखित परीक्षा 12 फरवरी के दू सत्रों म प्रदेस के 28 जिला के करार परीक्षा केन्द्र म आयोजित करे जात हावय। छत्तीसगढ़ लोक सेवा आयोग डहर ले सूचित करे हावय के अइसे दिव्यांग आवेदन करइया जेन मन सहलेखक रखे जाये के विकल्प दे हावय, वो जरूरी परमान पाती के संग 9 फरवरी तक अपन परीक्षा केन्द्र वाला जिला के कलेक्टर कार्यालय म अनिवार्य संपर्क करें। करार तिथि के बाद मिले अभ्यावेदन स्वीकार नइ करे जाहीं।
जानबा होवय के छत्तीसगढ़ लोक सेवा आयोग, राज्य सेवा प्रारंभिक परीक्षा 2022 के खातिर जारी विज्ञापन म दिव्यांग परीक्षा देवइया बर सहलेखक के सुविधा ले के संबंध म विस्ता्र ले दिशा निर्देश जारी करे गे रिहिस। जेमा ये उल्लेख करे गे रिहिस के सहलेखक के सुविधा के खातिर परीक्षा तिथि के 7 दिन पहिली कलेक्टर कार्यालय ले अनुमति लेना जरूरी हावयं। दिव्यांग परीक्षा देवइया अब सहलेखक के सुविधा के खातिर परीक्षा केन्द्र वाला जिला के कलेक्टर कार्यालय ले 9 फरवरी तक विज्ञापन म उल्लेखित दस्तावेज प्रस्तुत करके ए संबंध म अनुमति ले सकत हावयं।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।