झुमका जल महोत्सव 2023 : जिला के संस्कृति अउ पर्यटन ल बढ़ावा दे खातिर 17-18 जनवरी के होही मनमोहक सांस्कृ्तिक प्रस्तुति

झुमका जल महोत्सव 2023 : 17-18 जनवरी के होही मनमोहक सांस्कृ्तिक प्रस्तुति

अंजोर.कोरिया। कोरिया जिला के संस्कृति, पर्यटन अउ खूबसूरती ल बगराये खातिर जिला प्रसाशन डहर ले झुमका जल महोत्सव के दू दिवसीय कार्यक्रम के आगाज़ 17 जनवरी के होही। महोत्सव के समापन 18 जनवरी के होही। महोत्सव म रंगारंग प्रस्तुति के संग विभागीय प्रदर्शनी के डहर ले जिला के उपलब्धि ले लोगन आरो पाही। कार्यक्रम के सुरू 17 जनवरी के छत्तीसगढ़ शासन खाद्य अउ नागरिक आपूर्ति अउ उपभोक्ता संरक्षण, योजना, आर्थिक सांख्यिकीय अउ संस्कृति विभाग मंत्री अमरजीत भगत करही। 18 जनवरी के छत्तीसगढ़ शासन लोक निर्माण, गृह, जेल, पर्यटन मंत्री अउ जिला के प्रभारी मंत्री ताम्रध्वज साहू समापन कार्यक्रम म माई पहुना होही। 

जिला प्रशासन डहर ले तइयारी ल तेजी ले आखरी रूप दे जात हावय। कलेक्टर विनय कुमार लंगेह के मार्गदर्शन म जिला प्रशासन के पूरा टीम कार्यक्रम के सफल आयोजन के खातिर तइयारी म जुटे हावय। इही कड़ी म कलेक्टर लंगेह ह कार्यक्रम जगह के जायज़ा लिस अउ सबो अधिकारी मनला सौंपे गे जुमेदारी के निर्वहन करे सम्बन्धी जरूरी दिशा-निर्देश दिस।

महोत्सव म 17 जनवरी ये कलाकार मन देही प्रस्तुति-

छत्तीसगढ़ी कलाकार सुश्री आरु साहू, छत्तीसगढ़ी कलाकार सुनिल मानिकपुरी, ओडिसी नृत्यांगना श्रीमती पूर्णाश्री राउत, छतीसगढ़ी कलाकार अनुज शर्मा, बॉलीवुड कलाकार विनोद राठौर के कार्यक्रम होही।

महोत्सव म 17 जनवरी ये कलाकार मन देही प्रस्तुति-

छत्तीसगढ़ी कलाकार संजय सुरीला, सूफी कलाकार नासिर निन्दर, छत्तीसगढ़ी कलाकर सुनिल सोनी , बॉलीवुड कलाकार सुखबीर सिंह के कार्यक्रम होही।