अंजोर.रायपुर। मुख्यमंत्री भूपेश बघेल ह भेंट-मुलाकात कार्यक्रम के तहत खपरी म अधिकारी मनके समीक्षा बइठक के बाद क्षेत्रवासी मनला आने-आने विकास बुता के सौगात दीस। जेमा तखतपुर विधानसभा क्षेत्र ले 40 करोड़ 70 लाख रूपिया ले जादा रकम के 17 विकास बुता के लोकार्पण अउ 32 करोड़ 31 लाख रूपिया ले जादा रकम के 24 विकास बुता के शिलान्यास करिन। मुख्यमंत्री बघेल ह ए रकम ले कुल 73 करोड़ 1 लाख 78 हजार रूपिया के 41 विकास बुता के लोकार्पण अउ शिलान्यास करिन।
तखतपुर विधानसभा क्षेत्र आगमन म मुख्यमंत्री बघेल ह क्षेत्रवासी मन के सौगात देवत नर्मदा नदी म बने टिहुलाडीह एनीकेट, सी.सी. सड़क सह नाली निर्माण, स्वामी आत्मानंद उत्कृष्ट अंग्रेजी माध्यम स्कूल तखतपुर के उन्नयन, तहसीलदार कार्यालय सकरी, प्रधानमंत्री गांव सड़क योजना फेस-3 सड़क बनाये सकरी ले एन.एच. 130 परसदा व्हाया चिचिरदा, प्रधानमंत्री गांव सड़क योजना फेस-3 एन.एच. 130 सम्बलपुरी ले लाखासार व्हाया बहतराई, भुंडा ले मंगला, भैसाझार सड़क बनाये व्हाया भौहाकांपा, सकरी ले डलडलीहापारा सड़क नवीनीकरण कार्य, खपरी-करगीरोड ले साल्हेकापा सड़क नवीनीकरण कार्य, टी-02 मुरू ले खरकेना सड़क नवीनीकरण कार्य, जिला के मोछ ले मेड़पार मुख्य जिला रद्दा के उन्न्यन अउ नवीनीकरण कार्य, बिलासपुर के घुटकू पहुंच रद्दा के उन्नयन अउ डामरीकरण कार्य, बिलासपुर के भरनी मेनरोड मेला जगह ले परसदा के तनि रद्दा के निर्माण, बिलासपुर के लिम्हा ले फुलतराई रद्दा के निर्माण, बिलासपुर के कोटा मेन रोड ले पेंडारी मेन रोड तखतपुर तक रद्दा के निर्माण, बिलासपुर के बराही ले चुलहट रद्दा के बनाये अउ बिलासपुर के चोरमा ले पकरिया रद्दा के बनाये बुता के लोकार्पण करिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।