राज्य के पहिली मिलेट्स कैफे स्वाद, स्वास्थ्य अउ सशक्तिकरण के मिसाल, कैफे म रागी के पास्ता, कोदो के बिरयान अउ मिलेट मंचूरियन

राज्य के पहिली मिलेट्स कैफे स्वाद, स्वास्थ्य  अउ सशक्तिकरण के मिसाल

अंजोर.रायगढ़। राज्य के पहिली मिलेट्स कैफे रायगढ़ म अपन सफलता के जलवा बिखेरत हावय। एला खुले महज 8 महीना होए हावयं फेर इहां के मासिक आमदनी 3 लाख रूपिया के पार करगे हावय। आलम ये हावय के इहां वीकेंड म बइठे के बमुश्किल जगह मिलत हावय। रायगढ़ के तत्कालीन कलेक्टर भीम सिंह ह मिलेट्स ल बढ़ावा दे मई 2022 म ए कैफे ल सुरू करे गिस। कैफ़े मुख्य उद्देश्य मिल्लेट्स ल बढ़ावा दे अउ आने-आने मिल्लेट्स के उपयोग करके मुख्यधारा अउ पारंपरिक दुनों रकम ले व्यंजन के प्रदर्शन करे के खातिर रिहिस।

हाल ही म मुख्यमंत्री भूपेश बघेल ह मिलेट्स ल बढ़ावा दे के उद्देश्य ले विधानसभा म सबो विधायक ल मिलेट्स ले बने व्यंजन के भोज दे रिहिस। छत्तीसगढ़ राज्य देश के पहिली अइसे राज्य हावय जेन समर्थन कीमत म मिलेट्स के खरीदी करत हावय। श्रीमती रोहिणी पटनायक, जेन टडज्ञब् अउ कैफे के संचालन के प्रमुख हावयं, कहत हावयं, “हम स्वस्थ भोजन देना चाहत हावयं अउ ये सुनिश्चित करना चाहत हावयं के ये गिराहिक के सुवाद ल संतुष्ट करे। जिला प्रशासन के शुरुआती सहयोग ले, अब हमर कैफे एक आत्मनिर्भर व्यवसाय होए जात हावय।

फूड ब्लॉगर्स अउ युवा मन के पहिली पसंद- टीम डहर ले बहुत सारे नवा प्रयोग करे  जात हावयं अउ ये सबो व्यंजन के रेसिपी बुक के राज्य अउ देश के आन हिस्सा म लोकप्रिय बनाये के खातिर प्रकाशित करे गे हावय। ए कैफ़े के मुख्य कस्टमर स्वास्थ्य के प्रति जागरूक लोग, खाना के शौकीन, फूड ब्लॉगर,  हावय। इहां सबले लोकप्रिय व्यंजन म मिलेट चीला, डोसा, मिलेट मोमोज, मिलेट पिज्जा, मिलेट मंचूरियन अउ कोदो बिरयानी हावयं अउ येकर सबले जादा बिक्री होवत हावय। ये कैफे 3 लाख के मासिक बिक्री करत हावय। अब एक लाभदायक व्यवसाय के तनि बढ़त हावय।

नटवर स्कूल के पास सी-मार्ट के बाजू म सुरू होए ए कैफे म रागी ले बने पास्ता, चीला, इडली, मंचूरियन, पिज्जा, नूडल, पकोड़े, समोसे, दोसा, कोदो ले बने बिरयानी के संग ही सैंडविच, शेक्स, बर्गर के सुवाद ले के मउका लोगन ल मिलत हावय।

ए कैफे के सुरू करे म मुख्य भूमिका निभाने वाला तत्कालीन कलेक्टर भीम सिंह बतात हावयं के कई पीढ़ी ले रागी, कोदो जइसे अनाज हमर आहार के प्रमुख हिस्सा रिहिस। फेर इंकर उपयोग सीमित हो गे हावय। ये अनाज सेहत के खातिर जरूरी बहुत ले पोषक तत्व ले युक्त होवत हावयं। ए कैफे ले लोगन के ये अनाज ले तइयार व्यंजन के रूप म सेहतमंद विकल्प मिलगे।

महिला उद्यमिता ल मिलत बढ़ावा

ए कैफे के शुरुआत जिला प्रशासन के पहल अउ सहयोग ले होइस हावय। येकर संचालन विकास संघ महिला समूह डहर ले करे जात हावय। एमे तकनीकी सहयोग महिला बाल विकास विभाग अउ ट्रांसफॉर्मिंग रूरल इंडिया फाउंडेशन डहर ले दे जात हावय। छत्तीसगढ़ म पहिली बार महिला स्वरोजगार अउ उद्यमिता के बढ़ावा दे के खातिर महिला समूह के खातिर मिलेट्स आधारित कैफे के शुरुआत करे गे हावय।