अंजोर.रायपुर। मुख्यमंत्री भूपेश बघेल के सिहावा विधानसभा म भेंट-मुलाकात कार्यक्रम के बखत कुरूद बीईओ के शिकायत मिले म मुख्यमंत्री ह ओला हटाये के निर्देश दे रिहिस। एमा तुरते अमल करत मंत्रालय ले स्कूल शिक्षा विभाग डहर ले फतेह मोहम्मद कोया (मूल पद व्याख्याता) विकासखण्ड शिक्षा अधिकारी कुरूद, जिला धमतरी ल हटाये के निर्देश जारी कर दे हावय। जारी आदेश म विकासखण्ड शिक्षा अधिकारी कुरूद ल अवइया आदेश तक प्रशासकीय कारन ले तुरते प्रभाव ले जिला शिक्षा अधिकारी कार्यालय, धमतरी म संलग्न करे गे हावय। उंकर ठऊर म रवीन्द्र मिश्रा, सहायक संचालक, कार्यालय जिला शिक्षा अधिकारी, धमतरी ल अस्थायी रूप ले विकासखण्ड शिक्षा अधिकारी कुरूद के प्रभार सउपे गे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।