 |
| राज्य के हस्तशिल्प कलाकार होही पुरस्कृत, आवेदन करव 23 फरवरी तक |
अंजोर.रायपुर। छत्तीसगढ़ हस्तशिल्प विकास बोर्ड डहर ले राज्य के उत्कृष्ट हस्तशिल्प कलाकार मन के हर साल के सहिक ए साल तको पुरस्कृत करे जाही। ए संबंध म इच्छुक हस्तशिल्प कलाकार 23 फरवरी तक आवेदन प्रस्तुत कर सकत हावयं। हस्तशिल्प पुरस्कार के खातिर चयनित कलाकार मन के 25 हजार रूपिया के रकम के संग शाल, श्रीफल अउ परमान पाती दे जाही।
छत्तीसगढ़ हस्तशिल्प विकास बोर्ड ले मिले जानकारी के मुताबिक आवेदन प्रस्तुत करइया इच्छुक हस्तशिल्प कलाकार आवेदन के संग अपन कलाकृति छत्तीसगढ़ हस्तशिल्प विकास बोर्ड, रायपुर या जिला के हस्तशिल्प विकास बोर्ड के कार्यालय म जमा कर सकत हावयं। आवेदन पाती के संग कलाकृति जमा कराये के खातिर भाग लेवइया मनके करार प्रपत्र म जानकारी भरके ओला जिला के प्रभारी अधिकारी या जिला पंचायत के मुख्य कार्यपालन अधिकारी या हस्तशिल्प बोर्ड के प्रबंधक ले अनुशंसा कराना होही। आवेदन करे के खातिर फॉर्म अउ आन जानकारी हस्तशिल्प विकास बोर्ड के वेबसाइट म मिलही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।