प्रदेश म धान खरीदी के आकड़ा 97 लाख मीट्रिक टन ले पार, 22 लाख ले जादा किसान बेचे डरिस धान

अंजोर.रायपुर। मुख्यमंत्री भूपेश बघेल के अगुवई म 1 नवम्बर 2022 ले सुरू होए धान खरीदी के महाभियान सरलग जारी हावय। धान खरीदी के ये अभियान 31 जनवरी 2023 तक चलही। प्रदेस म समर्थन कीमत म धान खरीदी के आकड़ा 97  लाख मीट्रिक टन ले पार होगे हावय। राज्य के 22 लाख ले जादा किसान मन धान के एवज म 19,875 करोड़ रूपिया के भुगतान बैंक लिंकिंग बेवस्था के तहत करे गे हावय।

जानबा होवय के मुख्यमंत्री के पहल म पाछु साल के रकम ले ए साल तको धान खरीदी के संग कस्टम मिलिंग के खातिर सरलग धान के उठाव जारी हावय। अब तक कुल धान खरीदी 97 लाख मीट्रिक टन धान म ले 82 लाख मीट्रिक टन ले जादा धान के उठाव के खातिर डीओ जारी करे गे हावय, जेकर विरूद्ध मिलर्स डहर ले 71 लाख मीट्रिक टन धान के उठाव करे जा चुके हावय।

खाद्य विभाग के  अधिकारी मन बताइन के 13 जनवरी के 34 हजार 480 किसान मन ले 1.43 लाख मीट्रिक टन धान के खरीदी करे गे हावय। येकर अलावा ऑनलाइन मिले टोकन के जरिए किसान मन ले 09 हजार टन धान के तको खरीदी होए हावय।

जानबा हावय के ए साल राज्य म 25.96 लाख किसान मन के पंजीयन होए हावय, जेमा लगभग 2.30 लाख नवा  किसान सामिल हावयं। राज्य म धान खरीदी के खातिर 2617 उपार्जन केन्द्र बनाए गे हावयं। सामान्य धान 2040 रूपिया प्रति क्विंटल अउ ग्रेड-ए धान 2060 रूपिया प्रति क्विंटल के दर ले खरीदे जात हावय। इही रकम ले राज्य म धान खरीदी के बेवस्था म कड़ा निगरानी रखे जात हावय। सीमावर्ती राज्य ले धान के अवैध परिवहन के रोके के खातिर चेक पोस्ट म माल वाहक के चेकिंग करे जात हावय।