Home News Contact About
'अंजोर ' छत्तीसगढ़ी मासिक पत्रिका वेब संस्करण ---- anjore.cg@gmail.com

रायपुर म राज्यपाल सुश्री अनुसुइया उइके करही ध्वजारोहण, ए दरी झारखंड के सशस्त्र बल प्लाटून तको परेड म होही, मार्च-पास्ट, पदक अलंकरण सहित होही रंगारंग सांस्कृतिक कार्यक्रम

रायपुर म राज्यपाल सुश्री अनुसुइया उइके करही ध्वजारोहण, ए दरी झारखंड के सशस्त्र बल प्लाटून तको परेड म होही, मार्च-पास्ट, पदक अलंकरण सहित होही रंगारंग सांस्कृतिक कार्यक्रम
रायपुर म राज्यपाल सुश्री अनुसुइया उइके करही ध्वजारोहण, होही रंगारंग सांस्कृतिक कार्यक्रम


अंजोर.रायपुर। राजधानी रायपुर म गणतंत्र दिवस के मुख्य समारोह पुलिस परेड ग्राउण्ड म बिहनिया 9 बजे ले आयोजित होही। राज्यपाल सुश्री अनुसुइया उइके मुख्य समारोह म ध्वजारोहण करके समिलहा परेड के सलामी लेंही। पुलिस परेड ग्राउण्ड म आयोजित मार्च-पास्ट म ए दरी पड़ोसी राज्य झारखंड के सश्स्त्र पुलिस बल के प्लाटून तको सामिल होही। परेड कमाण्डर सुश्री पुजा कुमार के अगुवई म, सुरक्षा बल के 12 प्लाटून के संग बैंड प्लाटून ह तको कदम ले कदम मिलाके गणतंत्र के महोत्सव म मार्च-पास्ट करिन।  समारोह म सीमा सुरक्षा बल, केन्द्रीय रिजर्व पुलिस बल, भारत-तिब्बत सीमा बल, केन्द्रीय औद्योगिक सुरक्षा बल, सशस्त्र सीमा बल, झारखंड राज्य सशस्त्र बल (पुरुष), छ.ग. सशस्त्र बल (पुरुष), छत्तीसगढ़ पुलिस (पुरुष), छत्तीसगढ़ पुलिस (महिला), छत्तीसगढ़ सशस्त्र बल (महिला), छत्तीसगढ़ जेल, नगर सेना पुरूष अउ महिला अउ बैण्ड प्लाटून के जवान मन ह आकर्षक मार्च-पास्ट के अउ सलामी दीस। परेड के दूसरइया ऑफिसर ये कमांड आशीष नेताम रिहिन।

गणतंत्र दिवस के मउका म मुख्य समारोह म राज्य के पचास ले जादा पुलिस अधिकारी मन-जवान के आने-आने पदक अउ पुरस्कार ले सम्मानित करे जाही। समारोह म छत्तीसगढ़ राज्य के नक्सल प्रभावित जिला  म नक्सली मन के विरूद्ध अदम्य साहस अउ वीरता के परिचय दे वाला  अधिकारी अउ कर्मचारी मनला राष्ट्रपति के ‘पुलिस वीरता पदक‘ ले अलंकृत करे जाही। समारोह म उत्कृष्ट सेवा खातिर राष्ट्रपति के ‘विशिष्ट सेवा पदक‘ ले तको पुलिस  अधिकारी अउ जवान ल सम्मानित करे जाही। आपदा राहत अउ बचाव बुता म जबर बुता करे वाला सैनिक ल नागरिक सुरक्षा पदक ले अलंकृत करे जाही। पुलिस प्रशिक्षण बुता म उल्लेखनीय बुता करइया प्रशिक्षक ल ‘यूनियन होम मिनिस्टर मेडल‘ ले अलंकृत करे जाही। इही रकम ले बहादुरी ले बुता करे के खातिर दू लइका ल तको 15 हजार रूपिया, बढ़ई पाती अउ वीरता पदक दे जाही। गणतंत्र दिवस म ए दरी स्कूली लइका मन डहर ले रंगारंग सांस्कृतिक कार्यक्रम तको होही संग ही सरकारी योजना मनके उपलब्धि के झाकी तको देखाही।

कोई टिप्पणी नहीं:

एक टिप्पणी भेजें

जोहार पहुना, मया राखे रहिबे...

किस्सा कहिनी

सियानी गोठ

स्‍वामी/ प्रकाशक/ मुद्रक – जयंत साहू
संपादकीय कार्यालय – डूण्डा, सेजबहार रायपुर, छत्‍तीसगढ़ 492015
सिटी कार्यालय - पानी टंकी के सामने, अमलीडीह रायपुर छत्तीसगढ़
वाट्सअप- 9826753304
ई मेल : jayantsahu9@gmail.com
भारत के समाचारपत्रों के पंजीयक का कार्यालय नई दिल्ली
पंजीकरण संख्या-: CHHCHH/2014/56285