छत्तीसगढ़ के बहादुर बेटी छाया अउ जम्बाबती होही सम्मानित, गणतंत्र दिवस म राज्यपाल सुश्री अनुसुईया उइके ले मिलही राज्य वीरता पुरस्कार

अंजोर.रायपुर। गणतंत्र दिवस के मउका म 26 जनवरी के प्रदेस के दू बहादुर बेटी मन महासमुंद जिला के कुमारी छाया विश्वकर्मा अउ कांकेर जिला के कुमारी जम्बाबती भुआर्य ल सम्मानित करे जाही। राजधानी रायपुर म आयोजित मुख्य समारोह म राज्यपाल सुश्री अनुसुईया उइके दुनों  लइका मनला सम्मानित करही। ये  लइका मन ह अपन जान के परवाह करे बगैर साहस के परिचय देत अपन सूझबूझ ले दूसर के जान बचाये हावय। लइका मनला पुरस्कार म नगद राशि, प्रशस्ति पाती अउ मेडल दे जाही।