 |
| आरक्षण बिल बर आज भाजपा के धरना-प्रदर्शन |
अंजोर.रायपुर। छत्तीसगढ़ विधानसभा ले पारित आरक्षण बिल पर पाछु महीना भर ले घमासान मचे हावय। कभु समाज प्रमुख त कभु बेराजगारमन, येमा राजनीति तो पहिली ले ही नजर आत रिहिस जेन अब साफ घलोक होगे।
इही आरक्षण बिल ल लेके सत्ता धारी दल कांग्रेस ह अधिकार महारैली के आयोजन करत राज्यपाल ल सीधा दोस दिस। अब विपक्षी दल भाजपा तको इही बिल ल लेके धरना-प्रदर्शन करिन। ओमन किहिन के आयोग के डाटा ल विधानसभा के पटल म नइ रखिस अउ प्रदेश म भ्रम फैलाये काम करत हाबे कांग्रेस पार्टी। मिले आरो के मुताबिक भाजपा के धरना-प्रदर्शन म प्रमुख रूप ले भाजपा प्रदेश अध्यक्ष अरूण साव, प्रेम प्रकाश पांडेय, विक्रम उसेंडी, राजेश मूणत, संजय श्रीवास्तव, अशोक बजाज जइसे बड़का नेता मन जुरियाए रिहिन।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।