तेंदूपत्ता संग्राहक सामाजिक सुरक्षा योजना : मुख्यमंत्री भूपेश बघेल ऑनलाइन रकम बांटिस, लइका ल मिलही छात्रवृत्ति अउ स्टायफंड

तेंदूपत्ता संग्राहक सामाजिक सुरक्षा योजना 

अंजोर.रायपुर। मुख्यमंत्री भूपेश बघेल ह विधानसभा म मंझनिया ढाई ले सवा तीन बजे तक वीडियो कॉन्फ्रेंसिंग डहर ले शहीद महेन्द्र कर्मा तेन्दूपत्ता संग्राहक सामाजिक सुरक्षा योजना के तहत जिला के 13 हितग्राही मन के 22 लाख 60 हजार रूपिया के मदद रकम के ऑनलाइन डीबीटी करिन। ओमन संग ही ज़िला के तेंदूपत्ता सकलइया परिवार के कक्षा बारहवीं के 34 लइका के आठ लाख 50 हजार रूपिया अउ कक्षा दसवीं के 72 लइका के 10 लाख 80 हजार रूपिया प्रतिभाशाली छात्रवृति योजना के तहत डीबीटी के ज़रिए प्रदाय करिस। इही रकम ले 75 परतिसत अंक ले जादा मिले 86 मेधावी पढ़ईया मन के मेधावी छात्रवृत्ति योजनांतर्गत कुल दू लाख 86 हज़ार रूपिया के छात्रवृत्ति के ऑनलाइन भुगतान करिन। व्यवसायिक अउ गैर व्यवसायिक पाठ्यक्रम म शिक्षा के खातिर तेंदूपत्ता सकलइया परिवार के 83 लइका के तीन लाख 75 हज़ार रूपिया के स्टाएफंड तको बटन दबाके ऑनलाइन दीस। ए बखत धमतरी ज़िला ले अनुविभागीय अधिकारी वन एफ.आर.कोसरिया सहित बड़े संख्या म हितग्राही स्वान के वीडियो कान्फ्रेंसिंग कक्ष म मौजूद रिहिन।