अंजोर,ए। जगदलपुर के मालगांव म एक छुईखदान जबर हादसा होगे हावय। मिले आरो के मुताबिक उहां बुता करत 6 मजदूर मनके खदान म दबे ले मउत होगे हावय। जिला प्रशासन कोति ले शव ल निकाले के बुता करे जावथें, अभी तक 6 लाश मिलगे हावय। संग म एनडीआरएफ के टीम तको राहत अउ बचाव बुता म लगे हाबे। अइसे अनुमान हाबे के अउ कोनो दबे हो सकत हाबे। अइसन हादसा के आरो पाके प्रदेश के मुखिया भूपेश बघेल ह दुख प्रकट करत ईश्वर ले दिवंगत श्रमिक के आत्मा के शांति बर प्रर्थना करिन हाबे, अउ घायल मनके स्वास्थ्य लाभ के करिन हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।