international day of disabled persons : दिव्यांगजन ल सहानुभूति नहीं, संग के जरूरत : श्रीमती भेंड़िया

अंजोर.रायपुर। समाज कल्याण मंत्री श्रीमती अनिला भेंड़िया ह सबो दिव्यांगजन ल 03 दिसम्बर के अंतरराष्ट्रीय दिव्यांग दिवस के सुभकामना दीस हावय। श्रीमती भेंड़िया ह किहिन के दिव्यांगता एक शारीरिक अवस्था हावय, जेकर प्रतिभा म प्रभाव नइ पड़ता। दिव्यांग म हौसला अउ प्रतिभा के कोनो कमी नइ हावय। ओला हमर सहानुभूति नइ हमर संग के जरूरत हावय, जेकर ले दिव्यांगजन अपन हौसला के उड़ान दे सकें। ओमन किहिन के दिव्यांगजन ल विकास के समान मउका उपलब्ध कराये के खातिर राज्य सरकार संकल्पित हावय। ए दिशा म हर संभव प्रयास करे जात हावयं। श्रीमती भेंड़िया ह किहिन के कुपोषण अउ बीमारी अधिकांशतः निःशक्तता के जड़ होवत हावयं। ए दिशा म सामाजिक जागरूकता अउ सहयोग के जरूरत हावय, जेकर ले भावी पीढ़ी के स्वस्थ अउ सक्षम बनाये जा सकें।