 |
| क्षेत्रीय सरस मेला |
अंजोर.रायपुर। छत्तीसगढ़ राज्य ग्रामीण आजीविका मिशन (बिहान) ले गठित महिला स्वसहायता समूह डहर ले बने जिनिस के प्रदर्शनी अउ बेचे के खातिर रायपुर के शंकर नगर स्थित बीटीआई मैदान म 15 दिसम्बर ले 25 दिसम्बर तक क्षेत्रीय सरस मेला के आयोजन करे गे हावय। 11 दिन तक चले वाला ए मेला म छत्तीसगढ़ के संग ही कई राज्य के ग्रामीण समुदाय डहर ले बने सामान के बिक्री अउ प्रदर्शन करिन जाही। मेला म छत्तीसगढ़ी व्यंजन के फूड स्टॉल म लोगन स्थानीय व्यजंन के लुत्फ उठा सकही।
क्षेत्रीय सरस मेला म असम, गुजरात, मध्यप्रदेश, आंध्रप्रदेश, उत्तरप्रदेश, उत्तराखंड, झारखंड, तेलंगाना अउ पश्चिम बंगाल के ग्रामीण समुदाय डहर ले उत्पादित उत्कृष्ट जिनिस तको प्रदर्शनी-सह-विक्रय के खातिर उपलब्ध रइही। मेलास्थल म संझा के सांस्कृतिक कार्यक्रम के प्रस्तुति तको होही। 'बिहान' के ले ग्रामीण महिला मन अउ प्रदेस के गउठान म रूरल इंडस्ट्रियल पार्क म काम करके रिहिन समूह डहर ले उत्पादित अउ बने प्राकृतिक जिनिस के प्रोत्साहन अउ बेचे के खातिर आयोजित ए मेला म लोगन रोज बिहनिया दस बजे ले रतिहा दस बजे तक प्रदर्शनी, खरीदी, छत्तीसगढ़ी व्यंजन अउ सांस्कृतिक संझा के आनंद ले सकही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।