 |
| अभिनेत्री अनिकृति : 'नोनी के अनहोनी' होवथे गजब चर्चा |
अंजोर.सिनेमा। छत्तीसगढ़ी सिनेमा के सुपरहिट अभिनेत्री अनिकृति चौहान संग साल 2022 के आखिर म होगे हावय बड़का अनहोही। सोशल मीडिया म ये अनहोनी के गजब चर्चा हावथे। बात का अउ कइसे-कइसे होइस, कोनो नी जाने। आखिर म अनिकृति खुदे बताइस अपन संग होए अनहोनी के बारे म। कोनो काहत हाबे अनहोनी के बाद होही नोनी, त कोनो काहत हे नोनी के अनहोनी।
जी हां छॉलीवुड म अनहोनी के चर्चा तो होवथे, लेकिन ये रियल म नहीं रील म होही। का अनहोनी होही येला बाद म बताबो। फेर अभी आप मनला बता देथन के अनिकृति चौहान साल 2022 के आखिर एक ठी नवा फिलिम के घोसना करे हाबे जेकर नाम हाबे ‘नोनी के अनहोनी’। मिले आरो के मुताबिक पाछू दिन एक कार्यक्रम ये फिलिम के बारे म बताये गिस। फिल्म के निर्माता हावय होमन देशमुख अउ येमा अनिकृति चौहान के संग डेब्यू करत हाबे विशाल साथ ही छॉलीवुड के कई बड़े कलाकार मन तको नजर आही।
बताये जाथे के फिलिम ‘नोनी के अनहोनी’ के कहानी नारी प्रधान होही जेन ला दर्शक मन परिवार के बइठ के आनंद ले सकही। दिसंबर 2022 म होए फिलिम के घोसना के बाद 2023 म येकर शूटिंग छत्तीसगढ़ के खूबसूरत लोकेशन म होही।
- फिल्म- नोनी के अनहोनी
- प्रोडक्शन - एचडी प्रोडक्शन
- निर्माता- होमन देशमुख
- कलाकार- विशाल, अनिकृति
- भाषा- छत्तीसगढ़ी
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।