डॉ. केशरीलाल वर्मा अउ डॉ. सियाराम शर्मा बनिस साहित्य अकादमी के सदस्य

डॉ. केशरीलाल वर्मा अउ डॉ. सियाराम शर्मा बनिस साहित्य अकादमी के सदस्य

अंजोर.रायपुर। भारत सरकार के स्वायत्त संस्था ‘साहित्य अकादमी’ के छत्तीसगढ़ राज्य के प्रतिनिधि के रूप म छत्तीसगढ़ के दू विद्वान के चयन होइस। मिले आरो के मुताबिक राज्य शासन के अनुशंसा म विश्वविद्यालय के प्रतिनिधि के रूप म पं रविशंकर शुक्ल विश्वविद्यालय रायपुर के कुलपति डॉ. केशरीलाल वर्मा अउ प्रसिद्ध आलोचक डॉ. सियाराम शर्मा के चयन होए हावय।

कुलपति डॉ केशरीलाल वर्मा पहिली म तको साहित्य अकादमी के सदस्य रेहे हावयं अउ वो केंद्रीय हिंदी निदेशालय के निदेशक अउ वैज्ञानिक तकनीकी शब्दावली आयोग के अध्यक्ष तको रेहे हावयं। अउ डॉ सियाराम शर्मा किसान आंदोलन अउ ओकर ले संबंधित साहित्य के विशेषज्ञ हावयं। वो सरकारी कॉलेज उतई म हिंदी के प्राध्यापक हावयं। आलोचना के क्षेत्र म उंकर नाम समूचे देश म जाने जाथे।