पुलिस बल मुंगेली डहर ले करे जात हावय ‘‘अभिव्यक्ति एप’’ के प्रचार-प्रसार

पुलिस बल मुंगेली डहर ले करे जात हावय ‘‘अभिव्यक्ति एप’’ के प्रचार-प्रसार

अंजोर.मुंगेली। छत्तीसगढ़ राज्य के महिला अउ नोनी मन के सुरक्षा बर छत्तीसगढ़ पुलिस डहर ले अभिव्यक्ति ऐप लांच करे गे हावय। ए ऐप के माध्यम ले राज्य के महिला/बालिका ल तुरते पुलिस मदद मिलही। ए ऐप के माध्यम ले बिना थाना गे, कहीं ले भी अपन शिकायत दर्ज कराये जा सकत हावय अउ शिकायत के निराकरण के स्थिति के तको ऑनलाइन देखे जा सकत हावय।

जिला पुलिस बल मुंगेली डहर ले महिला मन अउ नोनी मन के सुरक्षा बर बनाये गे ‘‘अभिव्यक्ति एप’’ के प्रचार प्रसार करत, डाउनलोड अउ रजिस्ट्रेशन बर महिला अउ नोनी मन ल जागरूक करे जात हावय, अउ एप के उपयोग के संबंध म जानकारी देत हावय। इही क्रम म थाना मुंगेली डहर ले सार्वजनिक भीड़-भाड़ वाला ठऊर मन म जाके महिला/बालिका के अभिव्यक्ति एप के संबंध म जानकारी देके रजिस्ट्रेशन कराइन। इही रकम ले थाना जरहागांव डहर ले हायर सेकेण्डरी स्कूल अमलीकापा अउ चौकी खुड़िया डहर ले क्रिसमस परब के मउका म गांव जकड़बांधा चर्च म जाके महिला के अभिव्यक्ति ऐप के सम्बंध म जानकारी दीस। इही रकम ले सबो थाना/चौकी प्रभारी डहर ले तको क्रिसमस परब के मउका म अपन क्षेत्र के अंतर्गत चर्च म जाके महिला मन के अभिवयक्ति एप के सम्बंसध म जानकारी देके प्रचार-प्रसार करे गिस।

अभिव्यक्ति ऐप के संचालन बर यूजर के सबले पहिली अपन स्मार्टफोन म प्ले स्टोर म जाके अभिव्यक्ति ऐप के इंस्टाल कराना होही, उंकर बाद रजिस्ट्रेशन बर ऐप म साईन करत होइसअपन मोबाईल नंबर डालना हावय, ओटीपी आही ओला ऐप म डालना हावय अउ व्हेरीफाई ओटीपी  बटन ल दबाना हावय, जेकर ले रजिस्ट्रेशन के प्रक्रिया पूरा हो जाही।जिला पुलिस मुंगेली अपील करत हावय के ‘‘अभिव्यक्ति एप’’ ल जादा ले जादा प्रचारित करें अउ अभिव्यक्ति ऐप के रजिस्ट्रेशन करे।