राष्ट्रपति श्रीमती द्रौपदी मुर्मु ले राज्यपाल सुश्री अनुसुईया उइके करिन भेंट

राष्ट्रपति श्रीमती द्रौपदी मुर्मु ले राज्यपाल सुश्री अनुसुईया उइके करिन भेंट

अंजोर.रायपुर। राष्ट्रपति श्रीमती द्रौपदी मुर्मु ले राज्यपाल सुश्री अनुसुईया उइके ह राष्ट्रपति भवन, नई दिल्ली म सौजन्य भेंट करिस। ए बखत ओमन उंकर कुशलक्षेम जानिस। राष्ट्रपति श्रीमती मुर्मु के राज्यपाल सुश्री उइके ह प्रदेस के आने-आने गतिविधी के बारे म जानकारी दीस अउ 12 जनवरी 2023 के प्रदेस के प्रतिष्ठित सरकारी नागार्जुन स्नातकोत्तर कॉलेज रायपुर के स्थापना के 75वां साल पूरा होए म आयोजित ‘हीरक जयंती समारोह’, एमिटी विश्वविद्यालय रायपुर के दीक्षांत समारोह अउ आदिवासी शिव संस्कृति समिति, जिला-नर्मदापुरम डहर ले 12 ले 18 फरवरी 2023 के आयोजित महिला सशक्तिकरण कार्यक्रम म मुख्य पहुना के रूप म सामिल होए के खातिर नेवता दीस। राष्ट्रपति ह अपन करार कार्यक्रम के मुताबिक यथासंभव आये के बात कहिन।

राष्ट्रपति श्रीमती मुर्मु के राज्यपाल सुश्री उइके ह राजभवन के त्रैमासिक पत्रिका ‘एक आशा’ के प्रति तको भेंट के अउ राजभवन सचिवालय के नवाचार संबंधी गतिविधी ले अवगत कराइस। संग ही ओमन राष्ट्रपति श्रीमती मुर्मु के शाल अउ सुरता चिनहा भेंट करिन।