सोनाखान म ओपन एयर म्यूजियम के शुभारंभ करिन मुख्यमंत्री भूपेश बघेल, शहीद वीर नारायण सिंह के गौरव गाथा के होगी ऑडियो-विजुअल प्रस्तुति

 

शहीद वीर नारायण सिंह के गौरव गाथा

अंजोर.बलौदाबाजार-भाटापारा। शहीद वीर नारायण सिंह के जनम अउ कर्म स्थली के उंकर गौरव के मुताबिक विकसित करे के खातिर जिला प्रशासन बलौदाबाजार-भाटापारा डहर ले सोनाखान म भव्य ओपन एयर म्यूजियम के बनाये गे हावय, जेकर सुरू मुख्यमंत्री भूपेश बघेल ह करिन। येकर अलावा ओमन बलौदाबाजार-भाटापारा टूरिज्म सर्किट के तको सुरू करिन। ए टूरिज्म सर्किट म बाबा गुरू घासीदास के जनम अउ कर्म स्थली गिरौदपुरी, शहीद वीर नारायण सिंह के जनम अउ कर्म स्थली सोनाखान, कबीर पंथी के परसिध धर्म स्थली दामाखेड़ा, तुरतुरिया, सिद्धखोल जलप्रपात, बलारडेम, सिद्धेश्वर मंदिर पलारी अउ नारायणपुर के शिव मंदिर सामिल हावय। ए टूरिज्म सर्किट म आने वाला पर्यटक ल आने-आने सुविधा उपलब्ध कराये जाही।

सोनाखान म बनाये गे ये म्यूजियम प्रदेस म अपन रकम ले के पहिली म्यूजियम होही, जिहां ऑडियो- विजुअल सेटअप अउ एक बिसेस धातु कॉर्टेन स्टील के माध्यम ले शहीद वीर नारायण सिंह के जीवनी के प्रदर्शित करे जात हावय। कॉर्टेन स्टील के बनें लम्बे अउ सुंदर पैनल्स म शहीद वीर नारायण सिंह के जीवनी उकेरे गे हावय। जेकर भव्यता दिन के संग ही रतिहा म तको देखे जा सकत हावय। लाइट के अद्भुत सेटअप एला खास अउ आने बनाते हावयं। सबो पैनल एक ऑडियो सेटअप लगे होइस हावय, जेकर माध्यम ले शहीद वीर नारायण सिंह के जनम ले लेके क्रांति अउ बलिदान के सुने जे सकत हावय। ये ऑडियो हिंदी, अंग्रेज़ी अउ छत्तीसगढ़ी भाषा म उपलब्ध हावय। इहां आने वाला लोगन अपन पसंद मुताबिक ऑडियो के भाषा तय कर सकत हावयं।

देश म कॉर्टेन स्टील के उपयोग आने-आने महान परियोजना म कलाकृति बनाये के खातिर करे जा चुके हावय। काशी विश्वनाथ कॉरिडोर, बिहार म्यूज़ियम अउ कई देश के प्रतिष्ठित प्रोजेक्ट म येकर उपयोग करे गे हावय। इहां पार्किंग अउ केंटिन के तको बेवस्था रइही। केंटिन के बेवस्था स्व-सहायता समूह के डहर ले संचालित के जाही। येकर संग ही इहां आने वाला लोगन के म्यूजियम म प्रवेश सशुल्क रइही। ए नवाचार ले पर्यटन के बढ़ावा मिलही अउ लोगन के तको रोजगार उपलब्ध होही।