राज्य योजना आयोग : हार्वर्ड विश्वविद्यालय करही रूरल इण्डस्ट्रियल पार्क योजना म सहयोग

हार्वर्ड विश्वविद्यालय करही रूरल इण्डस्ट्रियल पार्क योजना म सहयोग

अंजोर.रायपुर। अमेरिका के हार्वर्ड विश्वविद्यालय अब छत्तीसगढ़ शासन के महत्वाकांक्षी ‘रूरल इंडस्ट्रियल पार्क’ (रीपा) योजना म सहयोग करही। राज्य योजना आयोग अउ ट्रांसफार्मिंग रूरल इंडिया फांउडेशन के बीच संपादित होइस एमओयू के माध्यम ले हार्वर्ड विश्वविद्यालय के डिजाइन लैब डहर ले योजना आयोग भवन म 1 अउ 2 दिसम्बर के दू दिवसीय ‘कम्युनिटी डिजाईन फेसिलिटेटर‘ विकसित करे बर कार्यशाला के आयोजन करे गिस। कार्यशाला के अध्यक्षता मुख्यमंत्री के सलाहकार प्रदीप शर्मा ह करिस। समारोह म योजना आयोग के उपाध्यक्ष अजय सिंह, हार्वर्ड विश्वविद्यालय ले डॉ. एन्द्रे नौगेरिया, रीपा के नोडल अधिकारी गौरव सिंह अउ टीआरआईएफ के प्रबंध निदेशक अनिश कुमार ह अपन जरूरी विचार रखे अउ गउठान ले जुड़े  अधिकारी मनएवं स्व-सहायता समूह के सदस्य मन के अच्छा बुता करे के खातिर प्रेरित करिन।

कार्यशाला म रायपुर, रायगढ़, कांकेर अउ बस्तर जिला के चयनित गांव गउठान समिति के सदस्य, प्रतिभाशाली उद्यमी अउ स्वसहायता समूह के सदस्य मन अउ बिहान के सीईओ सुश्री एलीस लकड़ा अउ एसपीएम अउ डीपीएम ह जमीनी स्थिति के बारे म अवगत कराया। कार्यक्रम म मुक्तेश्वर सिंह, प्रशांत चिन्नापानवर, श्रीश कल्याणी, सुश्री निरजा कुद्रीमोती, अभय तिवारी अउ सुश्री यामिनी लहरे मौजूद थीं। कार्यक्रम के संचालन राजीव त्रिपाठी अउ धन्यवाद ज्ञापन राज्य योजना आयोग के सदस्य अनुप श्रीवास्तव डहर ले करे गिस।