 |
| शशांक बी भास्कर पुणे महाराष्ट्र ले गिरफ्तार |
अंजोर.बलौदाबाजार। बलौदाबाजार-भाटापारा पुलिस ल चिटफंड कंपनी साईं प्रसाद लिमिटेड के आरोपी डायरेक्टर शशांक बी भास्कर ल गिरफ्तार करे म बड़का सफलता मिल हाबे। मिले आरो के मुताबिक आरोपी डायरेक्टर शशांक बी भापकर ल पुणे महाराष्ट्र ले गिरफ्तार करे गिस। पुलिस टीम कोति ले सरलग 08 दिन तक पुणे महाराष्ट्र म कैम्प करके पकड़े गिस। आरोपी डायरेक्टर दोगुना राशि दे के झांसा देके राशि जमा कराये रिहिस। चौकी लवन म चिटफंड कंपनी के विरुद्ध ₹6,75,058 का एफआईआर करे गे रिहिस। कलेक्टर कार्यालय म पूरा जिला ले ये चिटफंड कंपनी ले कुल 21,684 आवेदन म लगभग 84,75,30,217 रकम वापसी खातिर आवेदन करे गिस। चिटफंड कंपनी सांई प्रसाद लिमिटेड के शशांक बी. भापकर पिता बाला साहेब बी भापकर उम्र 33 वर्ष निवासी सुकवानी उद्यान इतवारी लिंक रोड चिन्चवुड जिला पुणे महाराष्ट्र के विरुद्ध छत्तीसगढ़ म कुल 19 एफआईआर दर्ज हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।