जशपुरनगर म हिन्दी फिल्म के शूटिंग : बॉलीवुड म छत्तीसगढ़ के नाम अउ काम ल मिलिस चिन्हारी

जशपुरनगर म हिन्दी फिल्म के शूटिंग

अंजोर.जशपुरनगर। छत्तीसगढ़ म हिन्दी फिलिम ल बढ़ावा दे अउ स्थानीय लोगन के रोजगार उपलब्ध कराये के उद्देश्य ले छत्तीसगढ़ सरकार ह प्रदेस म पहिली फिलिम नीति लागू करे गे हावय। इही कड़ी म मुख्यमंत्री के सलाहकार गौरव द्विवेदी ह आज जशपुर के हॉकी स्टेडियम म प्रेस कॉन्फ्रेंस लेके फिलिम नीति के संबंध म विस्तार ले जानकारी दीस। ए मउका म कलेक्टर  डॉ. रवि मित्तल पुलिस अधीक्षक डी. रविशंकर अउ इलेक्ट्रॉनिक अउ प्रिंट मीडिया के पत्रकारगण उपस्थित रिहिस।

गौरव द्विवेदी ह बताइन के मुख्यमंत्री भूपेश बघेल के सोच अउ मंशा मुताबिक छत्तीसगढ़ म तको फिल्मो के बढ़ावा दे के खातिर फिलिम नीति लागू करे गिस इही कड़ी म जशपुर जिला म फिलिम के शूटिंग करे जात हावयं। प्रदेस सरकार ह फिलिम अउ टीवी इंडस्ट्री के विकास के खातिर सब्सिडी के घोसना के छत्तीसगढ़ म बने छत्तीसगढ़ फिलिम के खातिर 33 परतिसत सब्सिडी दिही सरकार इही रकम ले दूसरी भाषा के फिलिम के खातिर अउ इहां के लोकेशन म बनत हावय त 25 परतिसत सब्सिडी के प्रावधान रखे गे हावय।

मुख्यमंत्री के सलाहकार गौरव द्विवेदी ह बताइन के जशपुर प्राकृतिक सौंदर्य ले बहुत ही सुन्दर जिला अउ इहां म पर्यटन के अपार संभावना हावयं संग ही फिलिम मुनुरैन शूटिंग के खातिर अच्छा जगह इही सेती इहां म तको फिलिम के शूटींग करे के खातिर अनुमति दे गिस। ओमन बताइन के जशपुर म फिलिम के शूटिंग करे सीआईडी के कलाकार आदित्य श्रीवास्तव अउ उषा जाधव, आकांक्षा पिंगले डारेक्टर अविनाश दास अउ कनिका वर्मा अउ प्रोड्यूसर अनीस रंजन सामिल हावयं।