गौरेला पेंड्रा मरवाही म झोझा जल प्रपात पर्यटन म सस्टेनेबल इको टूरिज्म के शुरुआत

अंजोर.मरवाही। वन, पहाड़, नदी-नाला अउ आदिवासी बाहुल्य नवगठित गौरेला पेंड्रा मरवाही जिला प्राकृतिक अउ धार्मिक पर्यटन जगह ले शुमार हावय। मुख्यमंत्री भूपेश बघेल के सोच हावय के ए जिला के पहचान पर्यटन जिला के रूप म बने अउ स्थानीय लोगन ल जादा ले जादा रोजगार अउ आजीविका के मउका मिले। इही सोच के मुताबिक जिला प्रशासन पर्यावरण संरक्षण के धियान म रखत होइस संधारणीय विकास (सस्टेनेबल डेवलपमेंट) के खातिर प्रतिबद्ध हावय।

कलेक्टर सुश्री ऋचा प्रकाश चौधरी के मार्गदर्शन म आज गौरेला विकासखंड के पर्यटन जगह झोझा जलप्रपात म सस्टनेबल इको टूरिज्म के आज शुरुआत करे गिस। जनपद पंचायत सीईओ गौरेला डॉ संजय शर्मा ह बैरियर म पर्ची कटवा करके कार्यक्रम के सुरू करिन। झोझा जलप्रपात म स्वच्छता के मुहीम के ले करके जिला प्रशासन अउ गांव पंचायत बस्ती–बगरा, आमगांव, टीकरखुर्द, पूटा, लमना के सरपंच अउ सचिव अउ पंचायत समिति, राजीव गांधी युवा क्लब मिशन के लोगन अउ गांव वाला डहर ले श्रमदान करके 15 बोरी कचरा इकट्ठा करके निष्पादन करे गिस। गांव वाला के प्लास्टिक ले बने जिनिस के उपयोग नइ करे के सीख दीस अउ इको टूरिज्म समिति के गठन करके लोगन के डहर ले लाए गे प्लास्टिक म रोक के पहल चालू करे गिस।

जानबा होवय के मुख्यमंत्री भूपेश बघेल ह जिला म चिन्हित दू दर्जन ले जादा पर्यटन जगह के जानकारी रेलवे स्टेशन, बस स्टैंड सहित सार्वजनिक जगह म प्रदर्शित करे अउ उंकर बड़का प्रचार-प्रसार के खातिर 5 जुलाई 2022 के भेंट मुलाकात कार्यक्रम के बखत टूरिस्ट मैप के विमोचन करिन हावय। ये  पर्यटन जगह म झोझा वाटर फॉल, राजमेरगढ़, समुदलाई कुंड, शिव घाट, लखन घाट, गंगई नेचर कैंप, चुन्हादाई, परेवापथ, उक शक्ति मंदिर, तारा खार वाटरफॉल, दुर्गा धारा वाटरफॉल, लक्ष्मण धारा वाटरफॉल, बेनी बाई, जोगी गुफा, घाघरा डैम, बिल्लमगढ़ गुफा, हवा पत्थर, मलनिया डैम, जलेश्वर महादेव, सोनकुंड, कारीराम, माई के मड़वा, कबीर चबूतरा अउ अचानकमार टाइगर रिजर्व सामिल हावय।