चोरी के मामला म कांकेर पुलिस के बड़े खुलासा, नाबालिग सहित तीन आरोपी गिरफ्तार, सोन चांदी के जेवर बरामद

चोरी के मामला म कांकेर पुलिस के बड़े खुलासा

अंजोर.कांकेर। चोर गैंग ल गिरफ्तार करके लाखों के जेवर बरामद करे म कांकेर पुलिस ल बड़का सफलता मिले हाबे। मिले आरो के मुताबिक पुलिस ह चोरी के वारदात के 15 माह बाद खुलासा करे हाबे। चोरी के माल खपाये खातिर ज्वेलर्स के पता तलाश म लगे हावय। आरोपी मन ज्वेलरी ले मन्नापुरम गोल्ड लोन फाइनेंस कंपनी ले ले रिहिस गोल्ड लोन। अनाधिकृत रूप ले बिना रसीद गोल्ड के लोन देने के संबंध म पुलिस विवेचना करत हाबे। जेमा बिना रसीद गोल्ड लोन देने के संबंध म मन्नापुरम गोल्ड लोन फाइनेंस कंपनी पावर हाउस भिलाई डहर ले चोरी के गोल्ड म लोन फाइनेंस करे गे रिहिस, संलिप्तता पाए म वैधानिक कार्यवाही करे जाही।

पुलिस के बताती गिरफ्तार आरोपी- 1.भरत साहू पिता सदाराम उस 20 निवासी एमजी वार्ड कांकेर, 2. इंद्राणी टडन पति देव सिंह टंडन ग्राम खेरदा थाना जामुल दुर्ग, 3. विधि से संघर्षरत बालक नाबालिग बालक, 4. रवि गुप्ता 09/09/22 ले चैन स्नैचिंग के मामला म दुर्ग जेल म बंद हावय थाना कांकेर के प्रकरण म गिरफ्तारी शेष, 5. महेश यादव उर्फ चिगरी निवासी एम जी वार्ड 09/09/22 ले स्नैचिंग के मामले म दुर्ग जेल म बंद हावय काकेर के प्रकरण म गिरफ्तारी शेष।       

पुलिस अधीक्षक कांकेर शलभ कुमार सिन्हा के निर्देशन म अतिरिक्त पुलिस अधीक्षक अविनाश ठाकुर, अनुविभागीय अधिकारी पुलिस अनुराग झा के पर्यवेक्षण म थाना कांकेर अउ साइबर सेल के संयुक्त टीम कोति ले चोरी के मामले म नाबालिग सहित तीन आरोपी ल गिरफ्तार करे गिस।