अंजोर.नई दिल्ली। छत्तीसगढ़ के मुख्यमंत्री भूपेश बघेल वित्त मंत्री के अध्यक्षता म आयोजित बजट के पहिली बइठक म हिस्सा लेही। नई दिल्ली के विज्ञान भवन म 25 नवंबर के 11 बजे देश के सबो राज्य के वित्त मंत्री के बइठक बलाये हावय। जेमा छत्तीसगढ़ के मुख्यमंत्री तको सामिल होही।
आम बजट 2023-24 के तइयारी ल लेके केंद्रीय वित्त मंत्रालय डहर ले राज्य ले सुझाव अउ प्रस्ताव आमंत्रित करे राज्य के वित्त मंत्री मनके बइठक रखे गे हावय। छत्तीसगढ़ के मुख्यमंत्री भूपेश बघेल राज्यहित ले जुड़े आर्थिक मुद्दा म अपन प्रस्ताव रखही। येकर संग ही मुख्यमंत्री पहिली के लंबित मांग मन म वित्त मंत्री के धियान आकृष्ट कराही।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।