 |
| छत्तीसगढ़ ल एक अऊ राष्ट्रीय पुरस्कार |
अंजोर.रायपुर। छत्तीसगढ़ ह एक बार फेर राष्ट्रीय स्तर म उपलब्धि हासिल करे हावय। छत्तीसगढ़ राज्य बाल अधिकार संरक्षण आयोग डहर ले संचालित मोर मयारू गुरूजी कार्यक्रम के चयन बुधवार के स्कोच अवार्ड (सिल्वर) के खातिर करे गे हावय। राज्य बाल अधिकार संरक्षण आयोग ल ये अवार्ड नवा दिल्ली म दे करके सम्मानित करे जाही। मुख्यमंत्री भूपेश बघेल अउ महिला अउ बाल विकास मंत्री श्रीमती अनिला भेंड़िया ह पुरस्कार के खातिर आयोग के बधाई दीस हावय। जानबा होवय के स्कोच संस्था डहर ले नामांकन ले लेके आखरी चरण तक लगभग 7 स्तर म चरणबद्ध तरीका ले मूल्यांकन के बाद ये सम्मान दे जाथे। मोर मयारू गुरूजी कार्यक्रम के माध्यम ले आयोग ह प्रदेस के लगभग 2 हजार शिक्षक मन के प्रशिक्षित हावय।
राज्य बाल अधिकार संरक्षण आयोग के स्कोच अवार्ड मिले के घोसना ऑनलाइन कार्यक्रम म करे गिस। एमे देशभर ले कई राज्य सामिल होइस। छत्तीसगढ़ ले राज्य बाल अधिकार संरक्षण आयोग के अध्यक्ष श्रीमती तेजकुंवर नेताम, सदस्यगण श्रीमती पुष्पा पाटले, श्रीमती आशा संतोष यादव, श्रीमती संगीता गजभिये, सोनल कुमार गुप्ता, अगस्टीन बर्नाड अउ सचिव चिन्हारी खरे तको कार्यक्रम म सामिल होइस। सबो सदस्य मन ह अध्यक्ष श्रीमती नेताम के बधाई दीस। ए म ओमन अवार्ड के श्रेय आयोग के सदस्य मन के मेहनत ल दे हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।