कर्मचारी भविष्य निधि भुगतान के निराकरण बर होइस कार्यशाला

अंजोर.रायपुर। छत्तीसगढ़ शासन के सेवा निवृत्त होवइया अधिकारी-कर्मचारी मनके  जी.पी.एफ. आखरी भुगतान के कार्यवाही ल तुरते निपटाये के खातिर अउ कोषालय अउ महालेखाकार कार्यालय के बीच बढि़या समन्वय अउ तालमेल बनाये न लेके राजधानी रायपुर के महालेखाकार कार्यालय म सबो कोषालय  अधिकारी मनके कार्यशाला आयोजित करे गिस।

कार्यशाला म संचालक कोष लेखा अउ पेंशन, प्रधान महालेखाकार अउ राज्य के कोषालय अधिकारी सामिल होइस। कार्यशाला म राज्य शासन के सेवा निवृत्त होवइया अधिकारी मन-कर्मचाररी मनके जी.पी.एफ. आखरी भुगतान ल तुरते करे बर निर्देश दे गिस। संचालक कोष लेखा अउ पेंशन डहर ले सेवानिवृत्त होवइया अधिकारी-कर्मचारी के जी.पी.एफ. प्रकरण अनिवार्य रूप ले तीन महीना पहिली महालेखाकार कार्यालय के प्रेषित करे जाना सुनिश्चित करे के निर्देश दीस। 

कार्यशाला म प्रधान महालेखाकार कार्यालय अउ कोषालय के बीच होए वाला समव्यवहार म आत परेसानी अउ उंकर निराकरण के संबंध म विस्ता्र ले गोठबात करे गिस। कार्यशाला म प्रधान महालेखाकार (लेखा अउ हकदारी) पी.सी. मांझी, प्रधान महालेखाकार (लेखा परीक्षा) यशवंत कुमार, संचालक कोष, लेखा अउ पेंशन नीलकंठ टेकाम सहित आन अधिकारी मौजूद रिहिस।

ऑडिट सप्ताह 21 नवम्बर ले 25 नवम्बर

प्रधान महालेखाकार (लेखा अउ हकदारी) कार्यालय अउ प्रधान महालेखाकार (लेखा परीक्षा) कार्यालय डहर ले समिलहा रूप ले 21 नवम्बर ले 25 नवम्बर 2022 तक ऑडिट सप्ताह आयोजित करे जात हावय।