धमतरी के उप स्वास्थ्य केन्द्र गेदरा अउ गाड़ाडीह ल मिलिस राष्ट्रीय गुणवत्ता प्रमाण-पत्र |
अंजोर.धमतरी। भारत सरकार, स्वास्थ्य अउ परिवार कल्याण मंत्रालय नवा दिल्ली डहर ले प्रदेस के तीन हेल्थ एंड वेलनेस सेंटर्स ल राष्ट्रीय गुणवत्ता परमान पाती ले नवाजा गे हावय। एमे धमतरी जिला के दू उप स्वास्थ्य केन्द्र नगरी के गेदरा अउ कुरूद के गाड़ाडीह सामिल हावय। मिले जानकारी के मुताबिक भारत सरकार डहर ले ये गुणवत्ता परमान पाती स्वास्थ्य संस्था मन के उंकर डहर ले मरीज मन के गुणवत्तापूर्ण अउ उच्च स्तरीय सेवा प्रदाय करे के खातिर दे जाथे। येकर तहत जिला स्तरीय मूल्यांकन के बाद राज्य स्तरीय मूल्यांकन करे जाथे। येकर बाद राष्ट्रीय स्तर म मूल्यांकन के खातिर स्वास्थ्य केन्द्र के नामांकन करे जाथे।
इही कड़ी म हेल्थ एंड वेलनेस सेंटर कुरूद के गाड़ाडीह अउ नगरी के गेदरा के राष्ट्रीय दल ह 20 अउ 21 सितम्बर के मूल्यांकन करिन। ए बखत स्वास्थ्य केन्द्र म ओपीडी, आईपीडी, लेबर रूम, लेबोरेटरी, जनरल एडमिनिस्ट्रेशन, राष्ट्रीय कार्यक्रम के आने-आने बिन्दुओं के आधार म मूल्यांकन करे गिस। एमे धमतरी जिला के उप स्वास्थ्य केन्द्र गेदरा के 90 परतिसत अउ गाड़ाडीह के 94 परतिसत स्कोर मिले । परमान पाती मिले ये संस्था मन के प्रोत्साहन रकम के तोर म हर साल दू लाख 25 हजार रूपिया अउ परमान पाती प्रदाय करिन जाही, जेकर उपयोग संस्था डहर ले जरूरत के मुताबिक सेवा के विस्तार के खातिर करिन जाही। जानबा हावय के येकर ले पहिली सिविल अस्पताल नगरी अउ प्राथमिक स्वास्थ्य केन्द्र चटौद के राष्ट्रीय गुणवत्ता परमान पाती मिल चुके हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।