 |
| धमतरी जिला स्तरीय युवा महोत्सव 2022 |
अंजोर.धमतरी। जिला के युवा मन के सांस्कृतिक अउ खेल गतिविधी ले जोड़े अउ उंकर प्रतिभा के निखारे के उद्देश्य ले खेल अउ युवा कल्याण विभाग के तत्वावधान म अवइया 30 नवम्बर के जिला स्तरीय युवा महोत्सव के आयोजन करे जाही। स्थानीय आमातालाब के बाबू पंढरीराव कृदत्त इंडोर स्टेडियम म जिला स्तरीय युवा महोत्सव के आयोजन करे जाही। एमे विकासखण्ड स्तर के प्रतियोगिता म सफल रिहिन लगभग 950 कलाकार अउ खिलाड़ी अपन प्रतिभा के प्रदर्शन करही। जिला खेल अधिकारी ह बताइन के जिला स्तर म आयोजित प्रतियोगिता म सफल होए वाला भाग लेवइया संभाग स्तरीय आयोजन म सामिल होही।
बताया गे हावय के 30 नवम्बर के आयोजित होए वाला युवा महोत्सव म भाग लेवइया दू उमर वर्ग म हिस्सा लेही। एमे 15 ले 40 साल अउ 40 ले जादा उमर वर्ग के भाग लेवइया सामिल होही। येकर तहत 18 सांस्कृतिक विधाएं लोकनृत्य, लोकगीत, एकांकी, शास्त्रीय गायन (हिन्दुस्तानी/कर्नाटक), शास्त्रीय वादन (सितार, बांसुरी, तबला, वीणा, मृदंगम, हारमोनियम) गिटार, मणीपुरी, ओडिशी, भरतनाट्यम्, कत्थक, कुचीपुड़ी अउ वक्तृत्व कला के प्रदर्शन करिन जाही। येकर अलावा सुआ, पंथी, करमा, नाचा, सरहुल नाचा, बस्तरिहा लोकनृत्य, राउत नाचा, फुगड़ी, भौंरा, गेड़ी दौड़/चाल, पारम्परिक वेशभूषा, फूड फेस्टिवल (छत्तीसगढ़ी व्यंजन के आधार पर), चित्रकला (छत्तीसगढ़ी लोक संस्कृति के चित्रण), वाद-विवाद (तात्कालिक/समसामयिक विषय) क्विज, निबंध, कबड्डी, खो-खो प्रतियोगिता के आयोजन होही। रॉक बैंड सोज राज्य स्तर म सामिल करिन जाही। ए साल कुश्ती खेल प्रतियोगिता के तको आयोजन करे जात हावय।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।