अंजोर.गरियाबंद, प्रार्थी डहर ले थाना म रिपोर्ट दर्ज कराइन के उंकर नाबालिक लड़की अपन भाई ल ढूंढे के खातिर घर ले निकले हावय जेन वापस नइ आइस। जेला आस-पड़ोस अउ गांव म पतासाजी करिन जेन पता नइ चलिस। जेन प्रार्थी डहर ले संदेह व्यक्त करे म अज्ञात आरोपी के विरूद्ध थाना अमलीपदर म अपराध क्रमांक 26/2019 धारा 363 भादवि० पंजीबद्ध करके विवेचना म लिस।
विवेचना बखत अपहृता के पता तलाश करे जा रिहिस। जेन मुखबिर ले सूचना म अपहृता के संदेही आरोपी डहर ले भला फुसलाके बिहाव के प्रलोभन देत भागे ले जाके तमिलनाडु म अपन पास रखे हावय। प्रकरण म अपहृता के परिजन अउ रिश्तेदार ले अपहृता ले मोबाइल फोन के माध्यम ले संपर्क करवा करके ओला घर बुलाये गिस। अपहृता के आरोपी के कब्जा ले बरामद करे गिस।
पीड़िता डहर ले अपन कथन म बाताया के आरोपी के डहर ले बिहाव के प्रलोभन देके भगाके ले जाके नाबालिक जानत जबरदस्ती कई बार दुष्कर्म करिन, जेन म प्रकरण म धारा 366, 376, (2)ढ भादवि जोड़े गे हावय। मामला म आरोपी के विरूद्ध पर्याप्त साक्ष्य सबूत पाये जाये अउ अपराध स्वीकार करे म आरोपी के दिनांक 14.11.2022 के विधिवत् गिरफ्तार करके न्यायिक रिमांड पाछु जेल भेजे गिस।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।