गोबर पेंट ले होही स्कूल के रंगाई-पोताई..., अंजोर छत्तीसगढ़ी म पढ़व पूरा खबर

अंजोर.रायपुर। छत्तीसगढ़ के स्कूल के रंगाई-पोताई अब गोबर ले बने पेंट ले होही। राज्य म स्थापित करे  गउठान म रूरल इंण्डस्ट्रीयल पार्क विकसित करे जात हावय। ये पार्क म समूह के महिला मन गोबर ले पेंट बनाये के काम तको करे हावय। मुख्यमंत्री ह ग्रामीण महिला मन के रोजगार के जरिया दे अउ उंकर आय बढ़ाये के खातिर सबो स्कूल म रंगाई-पोताई गोबर ले बने पेंट ले करे के निर्देश दिये हावयं।

जानबा होवय के मुख्यमंत्री भूपेश बघेल आज राजधानी के न्यू सर्किट हाऊस गउठान अउ रीपा रूरल इंण्डस्ट्रीयल पार्क ल स्वयं समूह के डहर ले लगाए स्टॉल के अवलोकन करे बर पहुंचिस। उहाँ ओमन समूह डहर ले प्रदर्शित जिनिस गोबर ले बने पेंट कुकीस, अचार अउ बाँस ले बने घरेलू उपयोग के जिनिस कलाकृति ल देखीस अउ ए संबंध म जानकारी लिस। मुख्यमंत्री ह महिला मन डहर ले बने करे जिनिस के सराहना करत अपर मुख्य सचिव ल किहिन कि, राज्य के सबो सरकारी स्कूल म पोताई बुता म गउठान या रूरल इंण्डस्ट्रीयल पार्क म बने गोबर ले बने पेंट के उपयोग करे के निर्देश जारी करें।