सरकारी अस्पताल ले मुर्दा ल ससम्मान घर तक पहुंचाये खातिर गाड़ी के पर्याप्त बेवस्था के निर्देश दीस मुख्यमंत्री..., अंजोर छत्तीसगढ़ी म पढ़व पूरा खबर

अंजोर.रायपुर। मुख्यमंत्री भूपेश बघेल ह सरकारी अस्पताल मन म उपचार के बखत मृतक के शव ल ससम्मान उंकर घर तक ले जाये के खातिर पर्याप्त शव वाहन के उपलब्धता सुनिश्चित करे के निर्देश दे हावयं। ए संबंध म मुख्यमंत्री भूपेश बघेल डहर ले सबो जिला कलेक्टर मन के निर्देश जारी करे  गे हावयं। जारी निर्देश म किहिन हावय के सबो जिला कलेक्टर, स्वास्थ्य विभाग अउ स्वयंसेवी संस्था मन ले समन्वय करके पर्याप्त संख्या म शव गाड़ी के बेवस्था करें ताकि मृतक अउ शोकाकुल घर वाला ल ससम्मान उंकर गंतव्य तक पहुंचाये के बेवस्था हो सके। जानबा होवय के केऊ सरकारी अस्पताल मन म स्वयंसेवी संस्था मन डहर ले शव गाड़ी के बेवस्था करे गे हावय, फेर कई बार अइसे खबर आगू आथे के शोकग्रस्त परिवार ल समय म मृतक के शव के घर ले जाये के खातिर वाहन मुहैया नइ हो पावय।