अंजोर.रायपुर। प्रधान मंत्री छात्रवृत्ति योजना ऑनलाइन आवेदन के आखरी तिथि शैक्षणिक साल 2022-23 बर 30 नवम्बर करार करे गे हावय। छात्रवृत्ति के रकम लड़का के खातिर 2500 रूपिया हरेक महीना अउ लड़की मन के खातिर 3000 रूपिया हरेक महीना हावय। हरेक साल देशभर के 5500 (पांच हजार पांच सौ) पुर्व सैनिक/विधवा के पुत्र/पुत्री के छात्रवृत्ति दे जात हावय। जादा जानकारी के खातिर जिला सैनिक कल्याण कार्यालय, रायपुर (छ.ग.) ले कार्यालयीन समय म या फोन क्रमांक 0771-2237449 अउ मों. नं. 7646853020 म सम्पर्क करके सकत हावयं।
जिला सैनिक कल्याण अधिकारी ह बताइन के जिला रायपुर, धमतरी, महासमुन्द, बलौदा बाजार अउ गरियाबन्द के सबो भूतपूर्व सैनिको अउ विधवा जेन कार्यालय म पंजीकृत हावयं, उंकर ले गेलौली करे गे हावय के जेन सेवानिवृत सैनिक के लइका ए साल व्यवसायिक पाठ्यक्रम जेन एम.सी.आई, ए.आई.सी.टी.ई. यू.जी.सी उक जइसे संस्था मन ले मान्यता मिले इंजीनियरिंग, मेडिकल, डेंटल, वेटनरी, एम.बी.ए. बी.बी.ए., बी.सी.ए. एम.सी.ए. बी.एड, बी फार्मा, डी. फार्मा, बी.एस.सी व्यवसायिक कोर्स अउ एप्लाईड आर्टस अउ क्राफ्टस उक म पहिली साल म दाखिला बर हावयं अउ 12वीं के कक्षा म 60 परतिसत ले जादा अंक मिले करे हावयं वो सब प्रधान मंत्री छात्रवृत्ति योजना के पात्र हावयं। ऑनलाईन आवेदन केन्द्रीय सैनिक बोर्ड के वेबसाईट www.ksb.gov.in म जाके करे जा सकत हाबे।
सबो पाठक ल जोहार..,
हमर बेवसाइट म ठेठ छत्तीसगढ़ी के बजाए रइपुरिहा भासा के उपयोग करे हाबन, जेकर ल आन मन तको हमर भाखा ल आसानी ले समझ सके...
छत्तीसगढ़ी म समाचार परोसे के ये उदीम कइसे लागिस, अपन बिचार जरूर लिखव।
महतारी भाखा के सम्मान म- पढ़बो, लिखबो, बोलबो अउ बगराबोन छत्तीसगढ़ी।